ஹைலைட்ஸ்:

  • தேனிலவுக்கு செல்லாத சினேகன்
  • மனைவியுடன் படப்பிடிப்புக்கு கிளம்பிய சினேகன்

பாடலாசிரியரும், நடிகருமான சினேகனுக்கும், நடிகை கன்னிகா ரவிக்கும் கடந்த 29ம் தேதி திருமணம் நடந்தது. உலக நாயகன் கமல் ஹாசன் தாலியை எடுத்துக் கொடுக்க கன்னிகா கழுத்தில் கட்டினார் சினேகன்.

கமல் முன்னிலையில் கன்னிகா ரவியை மணந்த சினேகன்சினேகனின் திருமணம் தாமதமாக அவர் மட்டும் அல்ல நானும் தான் காரணம் என்று கமல் தெரிவித்தார். மேலும் சினேகன், கன்னிகா விரைவில் பெற்றோராக வேண்டும் என்று வாழ்த்தினார்.

திருமணம் முடிந்த கையோடு மனைவியை அழைத்துக் கொண்டு தேனிலவுக்கு செல்வார் சினேகன் என்று எதிர்பார்த்தால் அவர் உல்டாவாக செய்துவிட்டார்.

கன்னிகாவுடன் விமானத்தில் சென்றபோது எடுத்த புகைப்படத்தை சமூக வலைதளத்தில் வெளியிட்டு சினேகன் கூறியிருப்பதாவது,

திருமணம் முடிந்த மறுநாளே சிவகாசியில் நந்தா பெரியசாமி இயக்கத்தில் “ஆனந்தம் விளையாடும் வீடு” என்ற படத்தில் நடித்ததும். அதைத்தொடர்ந்து இன்று தூத்துக்குடியில் இயக்குனர் ஹரி இயக்கத்தில் நடிப்பதும் மகிழ்ச்சியாக இருக்கிறது.

திருமணம் திருப்பம் தரும்
என்பது உண்மைதானோ…�� என தெரிவித்துள்ளார்.

மேலும், காதலியே.. மனைவியாய்..
மனைவியே..காதலியாய்..
அமைவது பெரும் வரம்.

அந்த வரம் எனக்கு
கிடைத்திருக்கிறது.

இந்த புகைப்படம் அதை நினைவுப்படுத்துகிறது… என தெரிவித்துள்ளார் சினேகன்.

சினேகனின் போஸ்ட்டுகளை பார்த்த ரசிகர்கள் வாழ்த்து தெரிவித்துள்ளனர். திருமணம் முடிந்த மறுநாளே படப்பிடிப்புக்கு செல்வது எல்லாம் டூ டூ மச் சினேகன் என்று கூறியுள்ளனர்.

இதற்கிடையே முதல் காதலே திருமணத்தில் முடிந்த சந்தோஷத்தை வெளிப்படுத்தியிருக்கிறார் கன்னிகா. 7 ஆண்டுகளுக்கு முன்பு தான் சினேகனுடன் சேர்ந்து எடுத்துக் கொண்ட புகைப்படத்தை சமூக வலைதளத்தில் வெளியிட்டுள்ளார் கன்னிகா.