பிரபல இசை அமைப்பாளரும் , இளையராஜாவின் தம்பியுமான கங்கைஅமரன், பல படங்களில் வசனகர்த்தாவாகவும், பல ஹிட் பாடல்களையும் எழுதியும், பல ஹிட் படங்களை இயக்கியும் உள்ளார். இயக்குனர் வெங்கட் பிரபுவின் தந்தையான இவர் பல படங்களில் கெஸ்ட் ரோலிலும் நடித்துள்ளார். இந்நிலையில் ஹரி இயக்கத்தில் அருண் விஜய் நடிப்பில் உருவாகி வரும் AV33 படத்தில் ஒரு முக்கியமான கதாபாத்திரத்தில் நடித்துள்ளார்.

கங்கை அமரன் இசை அமைப்பாளராக, ஒரு விடுகதை ஒரு தொடர்கதை, சுவரில்லாத சித்திரங்கள் , ராமாயி வயசுக்குவந்துட்டா, மௌன கீதங்கள், வாழ்வே மாயம், நம்ம ஊரு நல்ல ஊரு, என் தங்கச்சி படிச்சவ போன்ற மாபெரும் ஹிட் படங்கள் உட்பட சுமார் 55 படங்களுக்கு பணிபுரிந்துள்ளார். ஆரம்பத்தில், 1979ல் புதிய வார்ப்புகள் , 80ல் பாமா ருக்குமணி படங்களில் நடித்த கே.பாக்கியராஜ்ஜிற்காக டப்பிங் குரலும் கொடுத்துள்ளார் கங்கைஅமரன்.
.
இசையமைப்பாளரில் இருந்து கோழிகூவுது படம் மூலம் இயக்குனராகவும் மாறினார். எங்க ஊரு பாட்டுக்காரன், செண்மகமே செண்பகமே, கரகாட்டக்காரன், கும்பகர தங்கையா, வில்லு பாட்டுக்காரன், சின்னவர், தெம்மாங்கு பட்டுக்காரன் உள்ளிட்ட சுமார் 19 சூப்பர் ஹிட் படங்களை இயக்கியுள்ளார் கங்கை அமரன். மேலும் பாடகராகவும் சில பாடல்களை பாடியுள்ளார்.

ஒரு ரூபாய் கூட சம்பளம் பெறாமல் நவரசத்தை உருவாக்கியதற்கு நன்றி: இயக்குனர் மணிரத்னம் நெகிழ்ச்சி!
இயக்குனர் வெங்கட் பிரபுவின் தந்தையான இவர் அவ்வபோது சில முக்கியமான கதாபாத்திரங்களில் நடிக்கவும் செய்துள்ளார். கரகாட்டக்காரன், இதயம், உன்னிடத்தில் என்னை கொடுத்தேன், சென்னை28, போன்ற படங்களில் நடித்துள்ளார். இந்நிலையில். 2013 க்கு பிறகு மீண்டும், பிரபல டைரக்டர் ஹரி இயக்கத்தில் உருவாகும் ‘AV33’ படத்தில் கெஸ்ட் ரோலில் நடித்துள்ளார். காரைக்குடியில் நடந்து வரும் இந்த படத்தின் படப்பிடிப்பில், கதையின் ஒரு முக்கிய திருப்பமான காட்சியில் ஜோசியராக நடித்துள்ளார் கங்கை அமரன்.

‘AV33’ படத்தின் படப்பிடிப்பு விறுவிறுப்பாக நடைபெற்று வருகிறது. காலையில் கதை காட்சிகளும், இரவில் சண்டை காட்சிகளுமாக படமாக்கப்பட்டு வருகிறது. ஆக்ஷன் படமான இதில் அனல் அரசு சண்டை காட்சி அமைக்கிறார். தூத்துக்குடி, காரைக்குடியை தொடர்ந்து ராமேஸ்ரவத்தில் தொடர்ந்து படபிடிப்பு நடைபெற உள்ளது. இந்த படத்தில் அருண்விஜய், பிரியா பவானிசங்கர், ராதிகா, யோகிபாபு, கருடா ராம், ராஜேஷ், தலைவாசல் விஜய், ஜெயபாலன், புகழ், போஸ் வெங்கட், இமான் அண்ணாச்சி, ஐஸ்வர்யா, அம்மு அபிராமி மற்றும் பலர் நடிக்கிறார்கள்.