ஹைலைட்ஸ்:

  • விஜய் சேதுபதியுடன் நடித்த அனுபவம் பற்றி கூறிய கபிர் துஹான் சிங்
  • வில்லனாக நடிப்பதில் வருத்தம் இல்லை- கபிர்
  • வேதாளம் படம் மூலம் கோலிவுட்டுக்கு வந்தவர் கபிர் துஹான் சிங்

சிறுத்தை சிவா இயக்கத்தில் அஜித் நடித்த வேதாளம் படம் மூலம் தமிழ் திரையுலகில் வில்லனாக அறிமுகமானவர் ஹரியானா மாநிலத்தை சேர்ந்த கபிர் துஹான் சிங். விஜய் சேதுபதியின் றெக்க, சித்தார்த்தின் அருவம், விஷாலின் ஆக்ஷன் ஆகிய படங்களில் நடித்திருகிறார்.

அவர் தமிழ் தவிர்த்து தெலுங்கு, கன்னட மொழி படங்களிலும் நடித்து வருகிறார். தொடர்ந்து வில்லனாக நடித்து அனைவரையும் மிரட்டி வருகிறார். இந்நிலையில் அவர் தன் கெரியர் பற்றி கூறியதாவது,

நான் சினிமா பின்னணி இல்லாமல் வந்தவன். அதனால் தென்னிந்திய படம் மூலம் கெரியரை துவங்கலாமா இல்லை பாலிவுட் பட வாய்ப்பு கிடைக்கும் வரை காத்திருப்பதா இல்லை ஹீரோவாக நடிப்பதா, ஹீரோவுக்கு நண்பன் அல்லது வில்லனனாக நடிப்பதா என்று நான் யோசிக்கவே இல்லை.

ஒரு படத்தில் நடித்தால் தான் மேலும் பட வாய்ப்பு கிடைக்கும் என்று நம்புகிறேன். அதனால் தான் அனைத்து மொழி படங்கள் மீதும் சமமாக மரியாதை வைத்திருக்கிறேன்.

நான் தென்னிந்திய மொழி படங்களில் பெரிய நடிகர்களுடன் சேர்ந்து நடித்ததில் மகிழ்ச்சி. நான் கெரியரின் துவக்கத்திலேயே விஜய் சேதுபதி சார், நவாஸ் சார் ஆகியோருடன் சேர்ந்து நடித்தது ஆசிர்வாதம். அவர்களுடன் சேர்ந்து நடித்தது நடிப்பு பயிற்சி வகுப்புக்கு சென்றது போன்று இருந்தது.

ஒவ்வொரு படம் மூலமும் நாம் வளர்வோம். சீனியர் நடிகர்களிடம் இருந்து கற்றுக் கொள்வோம். நான் என் கெரியரை தென்னிந்தியாவில் வில்லனாக துவங்கியதில் வருத்தம் இல்லை.

சோனு சூத் அண்ணன், வித்யுத் ஜாம்வல் ஆகியோர் பாலிவுட்டில் பெரிய ஆளாக வரும் முன்பு தென்னிந்தியாவில் நெகட்டிவ் கதாபாத்திரங்களில் நடித்து தான் தங்களின் கெரியரை துவங்கினார்கள். இந்த நடிகரால் வில்லனாக மட்டும் தான் நடிக்க முடியும் என்கிற மனநிலை மாறி வருகிறது என்று நினைக்கிறேன்.

ஓடிடியால் இவர் இந்த மொழியில் தான் நடிக்க வேண்டும் என்பது இல்லை. ஏதாவது மாற வேண்டுமெனில் எங்களை தென்னிந்திய படங்களின் வில்லன் என்று மீடியா சொல்வது தான் மாற வேண்டும். வட இந்திய படம் என்று சொல்லாதபோது நெகட்டிவாக தென்னிந்திய படம் என்று சொல்வதை நிறுத்த வேண்டும் என்றார்.

கழுத்தை நெறிக்கும் கடன்: சன் டிவியுடன் 5 பட டீலில் கையெழுத்திட்ட சிவகார்த்திகேயன்