சுதா கொங்கரா இயக்கத்தில் சூர்யா நடிப்பில் கடந்த ஆண்டு ஓடிடியில் வெளியான படம் ‘சூரரைப் போற்று‘. இந்தியாவில் முதல் பட்ஜெட் விமான பயணத்தை உருவாக்கிய ஜி.ஆர்.கோபிநாத்தின் வாழ்க்கை வரலாற்றைத் தழுவி எடுக்கப்பட்ட இந்த படத்தை சுதா கொங்கரா இயக்கியிருந்தார். இந்நிலையில் சூரரைப்போற்று படம், தற்போது மெல்போர்ன் இந்திய திரைப்பட விழாவில் சிறந்த திரைப்படத்திற்கான விருதை வென்றுள்ளது.

கடந்த ஆண்டு நவம்பர் மாதம் சூர்யா, அபர்ணா பாலமுரளி நடிப்பில் அமேசான் ப்ரைம் ஓடிடி தளத்தில் வெளியான ‘சூரரைப் போற்று’ படம் ரசிகர்கள் மத்தியில் மாபெரும் வரவேற்பைப் பெற்றது. ஜிவி பிரகாஷ் குமார் இசையமைத்திருந்த இந்தப்படத்தை பல்வேறு திரையுலக பிரபலங்களும் பார்த்து பாராட்டினார்கள். சூர்யாவின் கம்பேக் படமாக அவரின் ரசிகர்களால் இந்தப்படம் கொண்டாடப்பட்டது.

கடந்த ஆண்டு ஓடிடி தளத்தில் வெளியான படங்களில் அதிகம் பேரால் பார்க்கப்பட்ட தமிழ்ப் படம் என்கிற பெருமையும் இந்த படத்திற்கு கிடைத்தது. மேலும் சிறந்த நடிகர், சிறந்த நடிகை, சிறந்த இயக்குநர், சிறந்த இசையமைப்பாளர், சிறந்த கதாசிரியர் உள்ளிட்ட அனைத்துப் பிரிவுகளிலும் ஆஸ்கார் போட்டியில் களம் இறங்கியது சூர்யாவின் சூரரைப் போற்று.

‘கே.ஜி.எஃப் 2’ படம் குறித்த முக்கிய தகவலை வெளியிட்ட படக்குழு: எதிர்பார்ப்பில் ரசிகர்கள்!
இந்நிலையில் மெல்போர்ன் இந்திய திரைப்பட விழாவில் சிறந்த நடிகருக்கான விருதை சூர்யாவும் சிறந்த படத்துக்கான விருதை ‘சூரரைப்போற்று’ படமும் பெற்றுள்ளது. இந்த தகவல் சூர்யா ரசிகர்கள் மத்தியில் மிகுந்த உற்சாகத்தை ஏற்படுத்தியுள்ளது. ‘சூரரைப்போற்று’ படம் ஏற்கனவே ஐஎம்டிபியில் அதிக மதிப்பெண் பெற்று மூன்றாவது இடம் பெற்றிருப்பதும் குறிப்பிடத்தக்கது.

இந்தப்படம் இந்தியிலும் ரீமேக்காக உள்ளது. சூர்யாவின் 2டி என்டர்டெய்ன்மென்ட் மற்றும் அபண்டன்ஷியா என்டர்டெய்ன்மென்ட் நிறுவனங்கள் இணைந்து ;சூரரைப் போற்று’ படத்தின் இந்தி ரீமேக்கை உருவாக்க உள்ளனர். தமிழில் இந்தப்படத்தை இயக்கிய சுதா கொங்கரோவே இந்தியிலும் இயக்க உள்ளார். படத்தில் பணியாற்ற உள்ள மற்ற நடிகர், நடிகைகள் பற்றிய அறிவிப்பு விரைவில் வெளியாகும் என கூறப்படுகிறது