ஹைலைட்ஸ்:

  • அருண்ராஜா காமராஜ் மனைவியின் இறுதிச் சடங்கில் பங்கேற்ற உதயநிதி ஸ்டாலின்
  • உதயநிதி ஸ்டாலினை பாராட்டும் ரசிகர்கள்
  • அருண்ராஜா காமராஜ் இயக்கத்தில் நடிக்கும் உதயநிதி ஸ்டாலின்

இயக்குநரும், நடிகரும், பாடலாசிரியருமான அருண்ராஜா காமராஜின் மனைவி சிந்துஜா கொரோனா வைரஸ் பாதிப்பால் நேற்றிரவு உயிரிழந்தார். இதையடுத்து நேற்று அவரின் உடல் தகனம் செய்யப்பட்டது. கொரோனாவால் பாதிக்கப்பட்டு மருத்துவமனையில் இருக்கும் அருண்ராஜா காமராஜ் பிபிஇ சூட் அணிந்து வந்து மனைவிக்கு இறுதிச் சடங்கு செய்தார்.

பிபிஇ சூட்டில் மனைவிக்கு இறுதிச் சடங்கு செய்த அருண்ராஜா காமராஜ்: நெஞ்சை உருக்கும் போட்டோசிந்துஜாவுக்கு அஞ்சலி செலுத்த சிவகார்த்திகேயனும், எம்.எல்.ஏ. உதயநிதி ஸ்டாலினும் மின்மயானத்திற்கு வந்திருந்தார்கள்.

அதில் உதயநிதி ஸ்டாலின் அருண்ராஜாவை கைத்தாங்கலாக அழைத்துச் சென்றார். சிந்துஜாவின் இறுதிச் சடங்கின்போது எடுக்கப்பட்ட புகைப்படங்களை ட்விட்டரில் வெளியிட்டு உதயநிதி ஸ்டாலின் கூறியதாவது,
நேர்த்தியான இயக்குனர் – நுட்பமான திரைக்கலைஞர் சகோதரர் அருண்ராஜா காமராஜ் அவர்களின் மனைவி சிந்துஜா மறைந்தது அறிந்து வேதனையுற்றேன். அவரது உடலுக்கு மரியாதை செலுத்தினேன். அருண்ராஜாவின் வளர்ச்சியில் முக்கிய பங்காற்றிய சகோதரி சிந்துஜாவின் மரணம் ஈடு செய்ய முடியாத இழப்பு. ஆழ்ந்த இரங்கல் என்றார்.

அந்த புகைப்படங்களை பார்த்தவர்கள் கூறியிருப்பதாவது,

அருண்ராஜாவுக்கு சரியான நேரத்தில் ஆறுதலாக இருந்திருக்கிறீர்கள். ஆரம்பத்தில் உங்களை தவறாக நினைத்து கிண்டல் செய்துவிட்டோம். ஆனால் சமீபகாலமாக நீங்கள் நடந்து கொள்ளும் விதத்தை பார்க்கும்போது பெருமையாக இருக்கிறது.

நீங்கள் நன்றாக இருக்க வேண்டும் என்று விரும்புகிறோம். இறுதிச் சடங்கிற்கு சென்றபோது கையுறை அணிந்திருக்க வேண்டும் அண்ணா. நீங்கள் எங்களுக்கு ரொம்ப முக்கியம்.

நட்புக்கு இலக்கணம் படைத்துவிட்டீர்கள். சமூக இடைவெளி ரொம்ப முக்கியம் என தெரிவித்துள்ளனர்.

கனா படம் மூலம் இயக்குநரான அருண்ராஜா காமராஜ் உதயநிதி ஸ்டாலினை ஹீரோவாக வைத்து ஆர்ட்டிகிள் 15 இந்தி படத்தை தமிழில் ரீமேக் செய்து வந்தார் என்பது குறிப்பிடத்தக்கது.

இதற்கிடையே இறுதிச் சடங்கின்போது எடுக்கப்பட்ட புகைப்படங்களையோ, வீடியோக்களையோ யாரும் சமூக வலைதளங்களில் வெளியிடாதீர்கள். அதை பார்த்தாலே கண்ணீர் வருகிறது என்று ரசிகர்கள் கோரிக்கை விடுத்துள்ளனர்.