ஹைலைட்ஸ்:

  • எம்.ஜி.ஆருடன் இருக்கும் சூர்யாவின் போட்டோ வைரல்
  • சூர்யா 40 படத்தை இயக்கும் பாண்டிராஜ்
  • ரசிகர்களுக்கு நிதியுதவி அளித்த சூர்யா

கோலிவுட்டின் முன்னணி நடிகர்களில் ஒருவராக இருக்கும் சூர்யாவின் சிறுவயது புகைப்படங்கள் பல சமூக வலைதளங்களில் இருக்கின்றது. சூர்யாவும், கார்த்தியும் குட்டிப் பையன்களாக க்யூட்டாக போஸ் கொடுத்த புகைப்படங்கள் ரசிகர்களிடம் இருக்கிறது.

இந்நிலையில் தான் மக்கள் திலகம் எம்.ஜி.ஆர். சிறுவன் சூர்யாவை தூக்கி வைத்திருக்கும் புகைப்படம் இன்று சமூக வலைதளத்தில் வெளியாகியுள்ளது. அந்த புகைப்படத்தில் எம்.ஜி.ஆரும், சூர்யாவும் சிரித்த முகமாக இருக்கிறார்கள்.

சட்டென்று பார்த்தால் அந்த குட்டிப் பையன் சூர்யா என்பதே தெரியவில்லை. அந்த புகைப்படத்தை பார்த்த ரசிகர்கள் மகிழ்ச்சி அடைந்து சமூக வலைதளங்களில் பெருமையாக ஷேர் செய்து கொண்டிருக்கிறார்கள்.

கெரியரை பொறுத்த வரை பாண்டிராஜ் இயக்கத்தில் சூர்யா 40 படத்தில் நடித்து வருகிறார். அந்த படத்தின் 35 சதவீத காட்சிகள் படமாக்கப்பட்டுள்ளதாக பாண்டிராஜ் தெரிவித்துள்ளார். லாக்டவுன் முடிந்த பிறகு அடுத்தக்கட்ட படப்பிடிப்பை துவங்கவிருக்கிறார்கள்.

டைட்டிலை முன் அறிவிப்புடன் வெளியிடுவோம் என்று வாக்குறுதி அளித்துள்ளார் பாண்டிராஜ். சூர்யா 40 படத்தில் ப்ரியங்கா அருள்மோகன் தான் ஹீரோயின்.

250 ரசிகர்களுக்கு தலா ரூ. 5,000 கொடுத்த சூர்யா: குவியும் பாராட்டுஇதற்கிடையே சூர்யா சத்தமில்லாமல் செய்த காரியம் ஒன்று ரசிகர்களை வெகுவாக கவர்ந்துவிட்டது. கொரோனா லாக்டவுன் காலத்தில் கஷ்டப்படும் தன் ரசிகர் மன்றத்தை சேர்ந்த 250 பேருக்கு தலா ரூ. 5 ஆயிரம் நிதி அளித்திருக்கிறார்.

தங்கள் வங்கிக் கணக்கில் சூர்யாவிடம் இருந்து ரூ. 5 ஆயிரம் வந்ததை பார்த்த ரசிகர்கள் ஆனந்த கண்ணீர்விட்டுள்ளனர். இந்நிலையில் புத்தகம் வாங்க பணம் இல்லாமல் அல்லாடிய நெல்லை மருத்துவக் கல்லூரி மாணவரான சூர்யா ரசிகருக்கு ரூ. 5 ஆயிரம் கிடைத்ததில் ஏக மகிழ்ச்சி. இதையடுத்து அவர் சூர்யாவுக்கு நன்றி தெரிவித்து ட்வீட் செய்தார்.