9 இயக்குநர்கள், 9 குறும்படங்கள் என பிரம்மாண்டமாக ‘நவரசா‘ எனும் தலைப்பில் உருவாகியுள்ளது மணிரத்னம் தயாரிக்கும் ஆந்தாலஜி படம் நெட்பிளிக்ஸ் ஓடிடி தளத்தில் வெளியாகி ரசிகர்களிடம் வரவேற்பை பெற்று வருகிறது. இந்நிலையில் இந்த தொடருக்காக, ஒரு ரூபாய் கூட சம்பளம் வாங்காமல் நேரத்தையும் உழைப்பையும் கொடுத்து நவசரத்தை உருவாக்கிய இயக்குனர்கள் மற்றும் நடிகர்கள் மற்றும் தொழில்நுட்ப கலைஞர்களுக்கு நன்றி தெரிவித்து அறிக்கை ஒன்றை வெளியிட்டுள்ளார் இயக்குனர் மணிரத்னம்.

கெளதம் மேனன், அரவிந்த்சாமி, பிரியதர்ஷன், கார்த்திக் நரேன், வஸந்த் சாய், கார்த்திக் சுப்புராஜ், பிஜோய் நம்பியார், சர்ஜூன், ரதீந்திரன் பிரசாத் உள்ளிட்ட 9 இயக்குநர்கள் 9 குறும்படங்களை நவரசாவிற்காக இயக்கி உள்ளனர். இதில், சூர்யா, விஜய் சேதுபதி, அரவிந்த் சாமி, பிரசன்னா, சித்தார்த், பார்வதி, ரோகிணி, ரித்விகா, யோகி பாபு, பாபி சிம்ஹா என மிகப்பெரிய நட்சத்திர பட்டாளமே இந்த 9 கதைகளில் நடித்துள்ளனர்.

“நவரசா” மனித உணர்வுகளான கோபம், கருணை, தைரியம், அருவருப்பு, பயம், நகைச்சுவை, காதல், அமைதி மற்றும் ஆச்சர்யம் ஆகிய உணர்வுகளை கொண்டு ஒன்பது வெவ்வேறு அழகான கதைகளை கூறும் ஆந்தாலஜி படமாக வெளியாகியுள்ளது. Justickets நிறுவனத்தின் சார்பில் மணிரத்னம் மற்றும் ஜெயேந்திரா பஞ்சாபகேசன் இணைந்து இப்படத்தினை தயாரித்துள்ளனர். “நவரசா” நெட்பிளிக்ஸ் ஓடிடி தளத்தில், பிரத்தியேகமாக 190 நாடுகளில் வெளியாகியுள்ளது.

தளபதி எப்பவும் கூல்: ‘பீஸ்ட்’ படப்பிடிப்பு தளத்தை மிஸ் பண்ணும் நடிகை பூஜா ஹெக்டே!
இந்நிலையில், நவரசா தொடரின் தயாரிப்பாளர்கள் இயக்குனர் மணிரத்னம், ஜெயேந்திரா பஞ்சாபகேசன் இணைந்து வெளியிட்டுள்ள அறிக்கையில், எங்களுடைய வேண்டுகோளுக்கு இணங்கி அனைவரும் ஒன்றிணைந்து ஒரு ரூபாய் கூட சம்பளம் வாங்காமல், நேரத்தையும் உழைப்பையும் கொடுத்து நவரசத்தை உருவாக்கிய இயக்குனர்கள் நடிகர்கள் மற்றும் தொழில்நுட்ப கலைஞர்களுக்கு எங்களின் மனமார்ந்த நன்றி.

உங்களுடைய இந்த பேராதரவால், ஆறுமாதங்களுக்கு நம் திரைத்துறையைச் சார்ந்த 12,000 குடும்பத்தினரின் வீட்டு தேவைகளுக்கு நம்மால் உதவ முடிந்தது. உதவி என்பதைத் தாண்டி நம் கலை குடும்பத்தினருக்கு நம் அன்பை அக்கறையை நன்றியை உணர்த்த முடிந்தது. பெருமையில் நன்றி உணர்ச்சியில் மகிழ்ச்சியின் உச்சத்தில் நிற்கிறோம் நாங்களும், நீங்களும் தானே? நீங்கள் இல்லாமல் இந்த மகிழ்ச்சி இல்லை. மீண்டும் உங்களுக்கு நன்றி சொல்கிறோம் என அந்த அறிக்கையில் குறிப்பிட்டுள்ளனர்.