கொரோனா அச்சம், திரையரங்குகள் மூடல் உள்ளிட்ட காரணங்களால் பல திரைப்படங்கள் ஓடிடியில் ரிலீஸ் ஆக துவங்கியுள்ளன. திரையரங்குகள் தற்போது திறக்கப்பட்டாலும் மக்கள் கொரோனா அச்சத்தை கடந்து படம் பார்க்க வருவார்களா என்பது கேள்விக்குறியாக உள்ளது. இதனால் பல தயாரிப்பாளர்கள் ஓடிடி பக்கம் கவனம் செலுத்தி வருகின்றன. அந்த வகையில் தொலைக்காட்சிகளிலும் நேரடியாக ஒருசில திரைப்படங்கள் ஒளிப்பரப்பாகி வருகின்றன.

2011-ம் ஆண்டு தனுஷ் நடிப்பில் ‘சீடன்’ படத்தை இயக்கியிருந்த சுப்பிரமணிய சிவா பத்து ஆண்டுகள் கழித்து தற்போது வெள்ளை யானை‘ என்ற படத்தை இயக்கியுள்ளார். இந்த படத்தை மினி ஸ்டுடியோ நிறுவனம் சார்பில் வினோத் குமார் தயாரித்துள்ளார்.

வாழ்த்திய கெளதம் வாசுதேவ் மேனன்.. நன்றி கூறிய யோகிபாபு: காரணம் இதுதான்!
சமுத்திரக்கனி ஹீரோவாகவும், ஆத்மியா அவருக்கு ஜோடியாகவும் நடித்துள்ள இந்த திரைப்படத்தில் யோகி பாபு உள்ளிட்ட பலர் நடித்துள்ளனர். இந்தப் படத்துக்கு சந்தோஷ் நாராயணன் இசையமைத்துள்ளார். இந்தப் படத்தின் படப்பிடிப்பு மற்றும் இறுதிக்கட்ட பணிகள் அனைத்துமே ஏற்கனவே முடிவடைந்துவிட்டது. திரையரங்கில் வெளியீடுவதற்காக நீண்ட நாட்களாக காத்திருப்பில் உள்ளது ‘வெள்ளை யானை’ திரைப்படம்.

கொரோனா இரண்டாம் அலை காரணமாக திரையரங்குகள் மூடப்பட்டிருப்பதால் இந்தப் படத்தை நேரடியாக ஓடிடியில் வெளியிட பேச்சுவார்த்தை நடத்தியுள்ளனர். இதில் சன் டிவி நிறுவனம் படக்குழுவினரிடம் பேசி, நேரடியாக தொலைக்காட்சி ஒளிபரப்புக்கு படத்தை கைப்பற்றியுள்ளது. விரைவில் சன் நெக்ஸ்ட் ஓடிடியில் இந்த படம் வெளியாகவுள்ளது. ஏற்கனவே ஏலே, மண்டேலா உள்ளிட்ட திரைப்படங்கள் நேரடியாக விஜய் டிவியில் ஒளிப்பரப்பானது குறிப்பிடத்தக்கது.