ஹைலைட்ஸ்:

  • ஆப்கானிஸ்தான் பெண் பிள்ளைகளை நினைத்து வேதனைப்படும் லக்ஷ்மி ராமகிருஷ்ணன்
  • தாலிபான்கள் பிடியில் ஆப்கானிஸ்தான்

ஆப்கானிஸ்தான் தாலிபான்கள் வசமானதில் இருந்து அங்கிருந்து வெளியாகும் புகைப்படங்கள், வீடியோக்கள் நெஞ்சை பதற வைக்கும்படியாக இருக்கிறது.

ஆப்கானிஸ்தானை விட்டு தப்பிச் சென்றால் போதும் என்கிற மனநிலையில் தான் மக்கள் இருக்கிறார்கள். அமெரிக்க விமானப்படை விமானத்தின் டயரை பிடித்துக் கொண்டு தொங்கிய 3 பேர் கீழே விழுந்து பலியான கொடுமை உலக மக்களை பதற வைத்தது.

இந்நிலையில் தாலிபான்களிடம் சிக்கி சிறுமிகளும், பெண்களும் என்ன பாடுபடப் போகிறார்களோ என்பது தான் பலரின் கவலையாக இருக்கிறது. நடிகையும், இயக்குநரும், சமூக ஆர்வலருமான லக்ஷ்மி ராமகிருஷ்ணனுக்கும் அதே கவலை தான்.

இது குறித்து லக்ஷ்மி ராமகிருஷ்ணன் ட்விட்டரில் கூறியிருப்பதாவது,
ஆப்கானிஸ்தானில் இருக்கும் பெண் பிள்ளைகளின் நிலை என்னவாகும்? இது பற்றி ஐ.நா. ஏதாவது செய்ய முடியுமா?. எதுவும் தெரியவில்லை ஆனால் கவலை, பயம், மன அழுத்தமாக இருக்கிறது. கதறி அழ வேண்டும் போன்று இருக்கிறது #PrayersForAfghanistan என தெரிவித்துள்ளார்.

ஆப்கானிஸ்தானில் இருக்கும் பெண்களின் நிலையை நினைத்தால் இதயம் நொறுங்குகிறது என்று பலரும் ட்விட்டரில் தெரிவித்து வருகிறார்கள். இதனால் #AfganistanWomen என்கிற ஹேஷ்டேக் ட்விட்டரில் தேசிய அளவில் டிரெண்டாகி வருகிறது.
இதற்கிடையே பிரபல பாடகரான அத்னன் சாமியோ, தாலிபான்கள் விளையாடி மகிழும் வீடியோவை ட்விட்டரில் வெளியிட்டு, உங்களை தோற்கடித்தவர்கள் இவர்கள் தான் என்று கூறியிருக்கிறார்.

தடுப்பூசி போட்டும் நடிகை ஷெரினுக்கு கொரோனா