தமிழ் சினிமாவில் முன்னணி நடிகையாக திகழும் நயன்தாரா தனது காதலர் விக்னேஷ் சிவனுடன் இணைந்து ரவுடி பிக்சர்ஸ் என்ற பட நிறுவனத்தை தொடங்கி திரைப்படங்களை தயாரித்து வருகிறார். இவர்கள் தயாரிப்பில் உருவாகி உள்ள ‘கூழாங்கல்’ படம் சர்வதேச பட விழாக்களில் கலந்துகொண்டு விருதுகளை வென்று வருகிறது. இந்நிலையில் இந்தப்படத்தின் இயக்குனர் தனது காதலியை சாதி மறுப்பு திருமணம் செய்துள்ளார்.

அறிமுக இயக்குனர் பி.எஸ்.வினோத்ராஜ் இயக்கத்தில் உருவாகியுள்ள படம் ‘கூழாங்கல்’. யுவன் ஷங்கர் ராஜா இசைமைத்துள்ள இப்படத்தை ரவுடி பிக்சர்ஸ் சார்பில் நயன்தாரா- விக்னேஷ் சிவன் இணைந்து தயாரித்துள்ளனர். இந்தப்படம் கடந்த பிப்ரவரி மாதம் நடந்த ரோட்டர்டாம் 50-வது சர்வதேச திரைப்பட விழாவில் பங்கேற்று மிக உயரிய விருதான டைகர் விருதை வென்றது.

அண்மையில் இந்த விருதுடன் நயன்தாரா மற்றும் விக்னேஷ் சிவன் இருவரும் இணைந்து எடுத்துக் கொண்ட புகைப்படத்தை தங்களது வலைத்தள பக்கத்தில் பகிர்ந்தனர். இந்த புகைப்படங்கள் இணையத்தில் பெரும் வைரலானது. இந்நிலையில் இந்தப்படத்தின் இயக்குனர் தனது காதலியை சாதி மறுப்பு திருமணம் செய்து கரம் பிடித்துள்ளார்.

மெல்போர்ன் இந்திய திரைப்பட விழாவில் விருதுகளை குவித்த‘சூரரைப் போற்று’ படம்: உற்சாகத்தில் சூர்யா ரசிகர்கள்!
கூழாங்கல் பட இயக்குனரான பி.எஸ்.வினோத்ராஜ் இவர் தனது தோழியும் காதலியுமான அறிவுநிலாவை திருமணம் செய்துள்ளார். பெண் வீட்டார் தரப்பில் இந்தத் திருமணத்துக்கு எதிர்ப்பு இருந்துவரும் நிலையில் கோவையில் மிக எளிமையாக நண்பர்கள் முன்னிலையில் இருவரும் பதிவுத்திருமணம் செய்துகொண்டுள்ளனர். இவர்கள் திருமணத்தை இயக்குனர் ராம் முன்னிலை வகித்து செய்து வைத்துள்ளார்