ஹைலைட்ஸ்:

  • கொரோனா நிவாரண நிதிக்கு 1 கோடி வழங்கிய சிவக்குமார் குடும்பத்தினர்.
  • இயக்குனர சி.எஸ்.அமுதன் கொரோனா நிவாரண நிதிக்கு நன்கொடை.
  • கொரோனா எண்ட் கேமிற்கு நிவாரணம் வழங்குமாறு வேண்டுகோள்.

தமிழகத்தில் கொரோனா இரண்டாம் அலையின் தாக்கம் நாளுக்கு நாள் அதிகரித்துவருகிறது. கொரோனா பாதிப்பைக் கட்டுப்படுத்தும் நடவடிக்கையாக தமிழகம் முழுவதும் முழு ஊரடங்கு உத்தரவு பிறப்பிக்கப்பட்டுள்ளது. இந்தநிலையில், அண்மையில் தமிழக முதல்வர் மு.க.ஸ்டாலின் ‘கோவிட் தொற்றின் இரண்டாவது அலையால் நமது மாநிலம் வெகுவாக பாதிக்கப்பட்டுள்ளது, அதற்காக அனைவரும் முதல்வரின் பொது நிவாரண நிதிக்கு தாரளமாக நன்கொடை வழங்குமாறு வேண்டுகோள் விடுத்திருந்தார்.

இதுகுறித்து அவர் வெளியிட்ட அறிக்கையில், பேரிடர் காலத்தில் பொதுமக்கள் அளிக்கக்கூடிய நன்கொடைகள் அனைத்தும், ஆக்சிஜன் உற்பத்தி மற்றும் சேமிப்பு நிலையங்கள் அமைத்தல், ஆக்சிஜன் வசதிகளுடன் கூடிய படுக்கைகளை அமைத்தல், ஆக்சிஜன் செறிவூட்டும் இயந்திரங்கள், ஆர்.டி.பி.சி.ஆர். கிட்டுகள், உயிர்காக்கும் மருந்துகள், தடுப்பூசிகள் மற்றும் பிற மருத்துவக் கருவிகளை வாங்குதல் போன்ற கரோனா நிவாரண நடவடிக்கைகளுக்கு மட்டுமே முழுமையாகப் பயன்படுத்தப்படும்.

மேலும், மேற்கூறிய நடவடிக்கைகளுக்காக பெறப்பட்ட நன்கொடை விவரங்கள் மற்றும் இந்த நிதியிலிருந்து மேற்கொள்ளப்பட்ட செலவினங்கள் குறித்த விவரங்கள் அனைத்தும் வெளிப்படையாகப் பொதுவெளியில் வெளியிடப்படும் என்று தெரிவித்திருந்தார். இதனை தொடர்ந்து பொது மக்களும் முதல்வர் பொது நிவாரண நிதிக்கு தங்கள் இயன்ற நன்கொடையை வழங்கி வந்தனர். இந்நிலையில் இயக்குனர் சி.எஸ்.அமுதன் கொரோனா நிவாரண நிதி வழங்கியுள்ளதை தனது ட்விட்டர் பக்கத்தில் பகிர்ந்துள்ளார்.

கவிதையாய் காதலை சொன்ன ரசிகர்: க்யூட்டான பதிலால் நெகிழ செய்த ப்ரியா பவானி சங்கர்!
இது தொடர்பாக முதல்வர் நிவாரண நிதிக்கு அளித்த நன்கொடை சம்பந்தமான ஸ்கீரின் ஸாட்டை பகிர்ந்து, நான் நன்கொடை அளித்து விட்டேன். இது கொரோனாவின் இறுதி ஆட்டம், எல்லாரும் நன்கொடை வழங்குங்கள் என அறிவித்துள்ளார். அவரின் பதிவிற்கு கீழே முதல்வர் நிவாரண நிதிக்கு நன்கொடை வழங்கியுள்ளதை ரசிகர்கள் பலரும் ஸ்கீரின் ஸாட் எடுத்து பதிவிட்டுள்ளனர்.

முன்னதாக, நடிகர்கள் சிவகுமார், அவரது மகன்கள் சூர்யா, கார்த்தி ஆகியோர் தலைமைச் செயலகத்தில் முதல்வர் மு.க.ஸ்டாலினை நேரில் சந்தித்து ஒரு கோடி ரூபாயை கொரோனா நிவாரண நிதியாக அளித்தனர். அதேபோல, பனிமலர் கல்வி குழுமத்தின் வேந்தர் டாக்டர் பி.சின்னதுரை கொரோனா நிவாரண நிதியாக 50 லட்ச ரூபாய்க்கான காசோலையை மு.க.ஸ்டாலினை நேரில் சந்தித்து வழங்கினார்.