ஹைலைட்ஸ்:

  • கொரோனா காரணமாக மரணமடைந்து விட்டதாக பரவிய வதந்தி.
  • மறுப்பு தெரிவித்து காணொளி வெளியிட்ட நடிகர் முகேஷ் கண்ணா.
  • வதந்தி பரப்புவர்களுக்கு சிசிச்சை ஏதேனும் உண்டா என கேட்டு ஆவேசம்.

பொதுமக்கள் தொடங்கி சினிமா பிரபலங்கள் வரை பலரையும் கொரோனா இரண்டாம் அலை அச்சுறுத்தி வருகிறது. கொரோனா காரணமாக திரையுலக பிரபலங்கள் உயிரிழக்கும் சம்பவம் தினமும் தொடர் கதையாகி உள்ளது. இந்நிலையில் 90 ஸ் கிட்ஸ்களின் சூப்பர் ஹீரோவான சக்திமான் புகழ் முகேஷ் கண்ணா மரணமடைந்தார் என்ற வதந்தி காட்டு தீ போல் சமூக வலைத்தளங்களில் வைரலானது. இதனால் கடுப்பான அவர் தன்னுடைய உடலுக்கு எதுவும் இல்லை என்றும், வதந்தி பரப்புவர்களை வெளுக்க வேண்டும் என்று காணொளி ஒன்றில் தெரிவித்து பரபரப்பை ஏற்படுத்தியுள்ளார்.

சக்திமான், மகாபாரதம் உள்ளிட்ட சீரியல்களில் நடித்து இந்திய ரசிகர்கள் மத்தியில் பிரபலமானவர நடிகர் முகேஷ் கண்ணா. 90 ஸ் கிட்ஸ்களின் சூப்பர் ஹீரோவான இவர் கொரோனா பாதிப்பு காரணமாக உயிரிழந்து விட்டதாக சமூக வலைத்தளங்களில் வதந்திகள் பரவியது. இதனை தொடர்ந்து முகேஷ் கண்ணாவிற்கு நெருக்கமான பலரும், அவரை தொடர்பு கொண்டு உடல்நிலை குறித்து விசாரித்துள்ளனர். இதனால் தன்னுடைய உடல்நிலை குறித்து அறிக்கை ஒன்றை வெளியிட்டுள்ளார் முகேஷ் கண்ணா.

இதுகுறித்து அவர் தனது இன்ஸ்டாகிராம் பக்கத்தில், ‘தான் நல்ல ஆரோக்கியமாக இருப்பதாகவும், வதந்திகளை யாரும் நம்ப வேண்டாம் என்றும் ரசிகர்களின் ஆசீர்வாதத்தால் எந்த வித உடல்நல கோளாறும் இன்றி இருப்பதாகவும் கூறியுள்ளார். மேலும் இதுபோன்ற வதந்தி பரப்புபவர்களை பிடித்து அடிக்க வேண்டும் என்றும் அவர் தனது ஆதங்கத்தை வெளிப்படுத்தியுள்ளார்.

கொரோனாவை விளாசும் பிரபல நடிகை: அனுமதி இல்லாமல் தனக்குள் பார்ட்டி பண்ணியதாக குற்றச்சாட்டு!
மேலும், இது போன்ற கேவலமான வதந்திகளை பரப்புபவர்களுக்கு ஏதாவது சிகிச்சை இருக்கா என்றும் கேட்டு விளாசி உள்ளார். இந்த இக்கட்டான சூழலில் இது போன்ற வதந்திகளை யாரும் பரப்ப வேண்டாம் என்றும், சரியான தகவல் தெரியாமல் பகிர வேண்டாம் என்றும் கோரிக்கை வைத்துள்ளார்.

மூத்த நடிகர்களை இது போன்ற மரண வதந்திகள் மிகவும் பாதிக்கும் என்றும், சில விஷமிகளின் விளையாட்டுத் தனத்தால் அந்த பிரபலமும் அவரது குடும்பத்தினரும் மிகுந்த மன உளைச்சலுக்கு ஆளாக நேரிடும் என்றும் இது போன்ற வீண் வதந்திகளை பரப்ப வேண்டாம் என்றும் அவர் தன்னுடைய பதிவில் தெரிவித்துள்ளார்.