ஹைலைட்ஸ்:

  • கொரோனா நிவாரண பணிகளுக்கு நிதியுதவி வழங்கும் பிரபலங்கள்.
  • முதலமைச்சரின் பொது நிவாரண பணிக்கு 25 லட்சம் வழங்கிய அஜித் குமார்.
  • பெப்சி தொழிலாளர்கள் நலனுக்காக 10 லட்சம் நிதியுதவி அளித்துள்ளார் அஜித்.

கொரோனா இரண்டாம் அலையின் தாக்கம் நாளுக்குநாள் அதிகரித்து வருகிறது. படுக்கை வசதிகள், ஆக்ஸிஜன் சிலிண்டர், வெண்டிலேட்டர் வசதிகள் இல்லாமல் மக்கள் அல்லாடி வருகின்றனர். இந்நிலையில் கொரோனா நிவாரணப் பணிகளுக்காக பொது மக்களுக்கு தாரளமாக நீதியுதவி வழங்குமாறு தமிழக முதல்வர் மு.க.ஸ்டாலின் வேண்டுகோள் விடுத்திருந்தார். அதன்படி திரையுலக பிரபலங்களும், மக்களும் கொரோனா நிவாரண நிதியாக தங்கள் இயன்றவற்றை அளித்து வருகின்றனர்.

இந்நிலையில் நேற்றைய தினர் நடிகர் அஜித் குமார் கொரோனா நிவாரண நிதியாக தமிழக அரசிற்கு 25 லட்சம் அளித்தார். அதனை தொடர்ந்து தற்போது பெப்சி தொழிலாளர்களுக்காக 10 லட்சம் நிதியுதவி அளித்துள்ளதாக செய்திகள் வெளியாகியுள்ளன. கொரோனா இரண்டாம் அலை ஊரடங்கு காரணமாக திரைப்பட தொழிலாளர்கள் வேலையின்றி வருமானம் இன்றி இருப்பதை அடுத்து, தொழிலாளர்களின் நலன் கருதி 10 லட்ச ரூபாயை அஜித் நிதி அளித்துள்ளதாக செய்திகள் வெளியாகியுள்ளன.

நேற்றைய தினம் அஜித் 25 லட்சம் கொடுத்த நிலையில் 2.5 கோடி என்று தவறுதலாக செய்திகள் வெளியாகின. இதனையடுத்து தமிழக அரசு சார்பில் வெளியிடப்பட்ட செய்தி குறிப்பில் 25 லட்சம் என தெளிவாக குறிப்பிட்டிருந்தனர். அதில், “கொரோனா நோய்த் தொற்றால் பாதிக்கப்பட்டுள்ள தமிழகத்தின் பொருளாதாரம் மீண்டெழுவதற்கும், இந்தப் பேரிடரை எதிர்கொள்வதற்கும் தமிழ்நாடு அரசு கூடுதலான நிதி ஆதாரங்களைச் செலவிட வேண்டிய தேவை உள்ளது.

நாடுகாக்கத் துடிக்கும் நல்லவரை வாழ்த்தினேன்: முதல்வர் குறித்து கவிப்பேரரசு வைரமுத்து புகழாரம்!
எனவே, அரசின் முனைப்பான முயற்சிகளுக்கு நமது சமுதாயத்தின் ஒவ்வொரு பிரிவினரும் தங்களால் இயன்ற வகையில் உதவிட முதலமைச்சரின் பொது நிவாரண நிதிக்கு தாராளமாக நன்கொடை வழங்கிட வேண்டுமென்று தமிழ்நாடு முதல்வர் மு.க.ஸ்டாலின் அனைவருக்கும் வேண்டுகோள் விடுத்தார்.

அந்த வேண்டுகோளுக்கேற்ப, திரைப்பட நடிகர் அஜித் குமார், கொரோனா நிவாரணப் பணிகளுக்காக முதலமைச்சரின் பொது நிவாரண நிதிக்கு, ஆன்லைன் பரிமாற்றம் மூலமாக 25 லட்சம் ரூபாய் வழங்கினார்” என குறிப்பிட்டிருந்தனர். இந்நிலையில் இன்றைய தினம் பெப்சி தொழிலாளர்களுக்காக நடிகர் அஜித் குமார் ரூபாய் 10 லட்சம் நிதியுதவி அளித்ததிற்கு பாராட்டுக்கள் குவிந்து வருகின்றன.