ஹைலைட்ஸ்:

  • கொரோனா நிவாரண நிதிக்கு 2.5 கோடி வழங்கிய நடிகர் அஜித் குமார்.
  • கொரோனா நிவாரண நிதிக்கு 1 கோடி வழங்கிய சிவக்குமார் குடும்பத்தினர்.
  • பொதுமக்கள், பிரபலங்கள் பலரும் கொரோனா நிவாரண நிதிக்கு நன்கொடை.

இந்தியா முழுவதும் கொரோனா இரண்டாம் அலையின் தாக்கம் நாளுக்கு நாள் அதிகரித்துவருகிறது. கொரோனா பாதிப்பைக் கட்டுப்படுத்தும் நடவடிக்கையாக தமிழகத்தில் பல கட்டுப்பாடுகள் அறிவிக்கப்பட்டுள்ளது. இந்தநிலையில், அண்மையில் தமிழக முதல்வர் மு.க.ஸ்டாலின் ‘கோவிட் தொற்றின் இரண்டாவது அலையால் நமது மாநிலம் வெகுவாக பாதிக்கப்பட்டுள்ளது, அதற்காக அனைவரும் முதல்வரின் பொது நிவாரண நிதிக்கு தாரளமாக நன்கொடை வழங்குமாறு வேண்டுகோள் விடுத்திருந்தார்.

இதுகுறித்து அவர் வெளியிட்ட அறிக்கையில், பேரிடர் காலத்தில் பொதுமக்கள் அளிக்கக்கூடிய நன்கொடைகள் அனைத்தும், ஆக்சிஜன் உற்பத்தி மற்றும் சேமிப்பு நிலையங்கள் அமைத்தல், ஆக்சிஜன் வசதிகளுடன் கூடிய படுக்கைகளை அமைத்தல், ஆக்சிஜன் செறிவூட்டும் இயந்திரங்கள், ஆர்.டி.பி.சி.ஆர். கிட்டுகள், உயிர்காக்கும் மருந்துகள், தடுப்பூசிகள் மற்றும் பிற மருத்துவக் கருவிகளை வாங்குதல் போன்ற கரோனா நிவாரண நடவடிக்கைகளுக்கு மட்டுமே முழுமையாகப் பயன்படுத்தப்படும்.

மேலும், மேற்கூறிய நடவடிக்கைகளுக்காக பெறப்பட்ட நன்கொடை விவரங்கள் மற்றும் இந்த நிதியிலிருந்து மேற்கொள்ளப்பட்ட செலவினங்கள் குறித்த விவரங்கள் அனைத்தும் வெளிப்படையாகப் பொதுவெளியில் வெளியிடப்படும் என்று தெரிவித்திருந்தார். இதனை தொடர்ந்து பொது மக்களும் முதல்வர் பொது நிவாரண நிதிக்கு தங்கள் இயன்ற நன்கொடையை வழங்கி வந்தனர். இந்நிலையில் நடிகர் அஜித்குமார் கொரோனா நிவாரணப் பணிக்காக 25 லட்சம் வழங்கியுள்ளார்.

கொரோனா எண்ட் கேமிற்கு நன்கொடை வழங்குங்கள்: பிரபல இயக்குனர் கோரிக்கை!
முதல்வரின் அறிவிப்பை தொடர்ந்து பலரும் நன்கொடை வழங்கி வரும் இந்த சமயத்தில், தற்போது கொரோனா நிவாரண பணிகளுக்காக முதலமைச்சரின் பொது நிவாரண நிதிக்கு ரூபாய் 25 லட்சம் வழங்கியுள்ளார் அஜித் குமார். 2.5 கோடி ரூபாய் அஜித் வழங்கியதாக செய்திகள் வெளியானதை தொடர்ந்து, தற்போது 25 லட்சம் என அதிகாரப்பூர்வ அறிவிப்பு வெளியாகியுள்ளது. இந்த செய்தியை ஹேஸ்டாக்குடன் ட்விட்டரில் டிரெண்ட் செய்து வருகின்றனர் அஜித் ரசிகர்கள். வலிமை அப்டேட் தள்ளி போனதால் வருத்தத்தில் இருந்த ரசிகர்களுக்கு, இந்த செய்தி தற்போது உற்சாகத்தை அளித்துள்ளது.

முன்னதாக, நடிகர்கள் சிவகுமார், அவரது மகன்கள் சூர்யா, கார்த்தி ஆகியோர் தலைமைச் செயலகத்தில் முதல்வர் மு.க.ஸ்டாலினை நேரில் சந்தித்து ஒரு கோடி ரூபாயை கொரோனா நிவாரண நிதியாக அளித்தனர். அதேபோல, இயக்குனர் சிஎஸ் அமுதனும் நேற்றைய தினம் கொரோனா நிவாரண நிதிக்கு நன்கொடை வழங்கியதை தனது ட்விட்டர் பக்கத்தில் பகிர்ந்து, அனைவரும் நன்கொடை வழங்குமாறு வேண்டுகோள் விடுத்திருந்தார்.