ஹைலைட்ஸ்:

  • பேமிலி மேன் 2 சீரிஸ் அமேசான் பிரைம் தளத்தில் வெளியாகியுள்ளது.
  • பேமிலி மேன் 2 சீரிஸில் வில்லியாக நடித்துள்ளார் சமந்தா.
  • பேமிலி மேன் 2 சீரிஸ் தொடர்பாக இயக்குனர் சேரன் ட்விட்.

அண்மையில் அமேசான் ப்ரைம் தளத்தில் வெளியான ‘தி ஃபேமிலி மேன் 2’ வெப் சீரிஸ் ரசிகர்களிடையே நல்ல வரவேற்பைப் பெற்றுள்ளது. மனோஜ் பாஜ்பாய், சமந்தா, ப்ரியாமணி, ஷரத் கேல்கர் உள்ளிட்ட பலர் இதில் நடித்துள்ளனர். வரவேற்பையும், சர்ச்சைகளையும் ஏற்படுத்தியுள்ள இந்த வெப் சீரிஸ் குறித்து வேண்டுகோள் ஒன்றை வெளியிட்டுள்ளார் இயக்குனர் சேரன்.

ராஜ் மற்றும் டிகே என்ற இரட்டை இயக்குனர்கள் இயக்கத்தில் இந்தியில் கடந்த 2019 ஆம் ஆண்டு அமேசான் ப்ரைமில் வெளியான வெப்சீரிஸ் பேமிலிமேன். மும்பை குண்டு வெடிப்பை மையமாக கொண்ட உருவாக்கப்பட்ட வெப் சிரிஸில் மனோஜ் பாஜ்பாய், ப்ரியாமணி உள்ளிட்டோர் நடித்திருந்தனர். இந்நிலையில், இதன் இரண்டாவது சீசன் கடந்த சில தினங்களுக்கு முன்பாக அமேசான் பிரைமில் வெளியானது. இந்த சீசனில் வில்லியாக நடித்துள்ளார் நடிகை சமந்தா. ராஜி எனும் தற்கொலைப் படையை சேர்ந்த நபராக நடித்துள்ளார்.

இந்நிலையில் கடந்த சில தினக்களுக்கு முன்பாக அமேசான் பிரைமில் வெளியானது பேமிலி மேன் 2 வெப் தொடர். 9 எபிசோடுகளை கொண்ட இந்த வெப் தொடரில் சர்ச்சைக்குரிய காட்சிகள் இடம்பெற்று இருப்பதாக கண்டனங்கள் வெடிக்கத் எழுந்துள்ளது. விடுதலை புலிகள் இயக்கத்தையும் மறைந்த முன்னாள் பிரதமர் ராஜீவ் காந்தி கொலை வழக்கையும் மையப்படுத்தியே இந்த வெப் தொடர் உருவாக்கப்பட்டுள்ளதாக சர்ச்சைகளும் எழுந்துள்ளன.

அஜித் ரசிகர்களுக்கு ஒரு குட் நியூஸ்: திட்டமிட்டபடி தீபாவளிக்கு வெளியாகிறதா? வலிமை திரைப்படம்!
இந்நிலையில் இயக்குநர் சேரன், பேமிலிமேன் 2 வெப்சீரிஸ் தொடர்பான நேர்க்காணல்களுக்கு ஆங்கிலத்தில் சப் டைட்டில் போடுமாறு தனது ட்விட்டர் பக்கத்தில் குறிப்பிட்டுள்ளார். ‘தி பேமிலி மேன் 2‘ சீரிஸ்க்கு எதிரான நேர்காணல்கலில் ஆங்கிலத்தில் சப் டைட்டில் செய்து பதிவிட்டால் உங்கள் அனைவரின் ஆழமான கருத்துக்கள் அந்த தொடர் எடுத்தவர்களுக்கு சென்றடையும். நன்றி எனவும் கூறியுள்ளார்.

இது தொடர்பாக தனது மற்றொரு ட்விட்டர் பதிவில், இன்னும் யாரெல்லாம் அந்த தொடருக்கு எதிரான கருத்துக்களை பேசியிருக்கிறார்களோ அவர்களும் இந்த முயற்சி எடுக்கலாம். நான் பார்த்தவரை குறிப்பிட்டுள்ளேன்.. தவறாக நினைக்க வேண்டாம்.. நமது கருத்துக்கள் அவர்களை சென்றடைவதே நம் நோக்கம்.. உடனடியாக குரல் கொடுத்த அனைவருக்கும் நன்றி.. என கூறியுள்ளார்.