விண்ணைத்தாண்டி வருவாயா, அச்சம் என்பது மடமையடா படத்திற்கு பிறகு சிம்பு, கெளதம் மேனன் மூன்றாவது முறையாக இணையும் படத்திற்கு ‘வெந்து தணிந்தது காடு‘ என தலைப்பிடப்பட்டுள்ளது. இந்த படத்திற்கு ஆரம்பத்தில் நதிகளிலே நீராடும் சூரியன் என பெயர் வைக்கப்படிருந்தது. இந்நிலையில் இந்த படத்தில் சிம்பு ஜோடியாக நடிக்கவுள்ள ஹீரோயின் குறித்த தகவல் வெளியாகியுள்ளது.

வருண் நடிப்பில் ‘ஜோஷ்வா’ படத்தை இயக்கி முடித்துள்ளார் கெளதம் மேனன். இந்த படத்தை தொடர்ந்து தற்போது சிலம்பரசன் நடிப்பில் ‘வெந்து தணிந்தது காடு’ படத்தை இயக்கி வருகிறார். இந்த இரண்டு படங்களையுமே வேல்ஸ் பிலிம்ஸ் நிறுவனம் சார்பாக ஐசரி கணேஷ் தயாரித்து வருகிறார். விண்ணைத்தாண்டி வருவாயா படத்தை தொடர்ந்து இரண்டாவது முறையாக சிம்பு, கெளதம் கூட்டணிக்கு இசையமைக்கவுள்ளார் ஏ.ஆர்.ரஹ்மான்.

சிம்பு, கெளதம் மேனன் இணையும் படத்திற்கு ஆரம்பத்தில் நதிகளிலே நீராடும் சூரியன் என்ற தலைப்பிட்டிருந்தனர். அதன்பின்னர் படத்தின் டைட்டிலை மாற்றி பாரதியாரின் கவிதை வரிகளான ‘வெந்து தணிந்தது காடு’ என பெயர் வைத்துள்ளனர். அத்துடன் படத்தின் பர்ஸ்ட் லுக்கையும் வெளியிட்டுள்ளனர் படக்குழுவினர். இந்நிலையில் இந்த படத்தின் ஷுட்டிங் ஸ்பாட் ஸ்டில்கள் தற்போது இணையத்தில் வெளியாகி வைரலாகி வருகிறது.

காலில் கட்டு.. முகத்தில் சோகம்: மருத்துவமனையில் யாஷிகாவின் பரிதாப நிலை!
இந்நிலையில் இந்தப் படத்தில் சிம்பு ஜோடியாக நடிக்க கன்னட நடிகை கயடு லோகர் ஒப்பந்தம் செய்யப்பட்டிருப்பதாக தகவல்கள் வெளியாகியுள்ளன. ஆரம்பத்தில் இந்த படத்தில் கீர்த்தி சனோன் நாயகியாக நடிக்க உள்ளதாக கூறப்பட்டது. ஆனால் படக்குழுவினர் இந்த இரண்டு தகவலையும் இன்னும் உறுதிப்படுத்தவில்லை என்பது குறிப்பிடத்தக்கது.

வெந்து தணிந்தது காடு படத்தில் இதுவரை ஏற்று நடித்திடாத கதாபாத்திரத்தில் சிம்பு நடிக்க உள்ளதாக படக்குழுவினர் தெரிவித்துள்ளனர். இந்த படத்திற்காக 15 கிலோ எடையை குறைந்து சிறு வயது பையன் போல பர்ஸ்ட் லுக்கில் காட்சியளித்திருந்தார். இந்த படத்தில் சிம்பு அம்மாவாக ராதிகா சரத்குமார் நடிக்கிறார். இந்த படத்தின் படப்பிடிப்பு திருச்செந்தூரில் தொடங்கி நடைபெற்று வருவது குறிப்பிடத்தக்கது.