ஹைலைட்ஸ்:

  • சுருளியிடம் ரஜினி சாரின் தாக்கம் இருக்கும்- தனுஷ்
  • ஜகமே தந்திரம் சிறப்பான சூழலில் ரிலீஸாகி இருந்திருக்கலாம்- தனுஷ்
  • சென்னை, வீட்டு சாப்பாடை மிஸ் பண்ணுகிறேன்- தனுஷ்

கார்த்திக் சுப்புராஜ் இயக்கத்தில் தனுஷ் நடித்திருக்கும் ஜகமே தந்திரம் படம் வரும் 18ம் தேதி நெட்ஃப்ளிக்ஸில் வெளியாகவிருக்கிறது. தன் படம் தியேட்டரில் அல்லாமல் ஓடிடியில் வெளியாவது தனுஷுக்கு சுத்தமாக பிடிக்கவில்லை.

இந்நிலையில் ட்விட்டர் ஸ்பேஸில் வந்த தனுஷ் கூறியதாவது,

எனக்கு சுருளி கதாபாத்திரம் மிகவும் பிடித்திருக்கிறது. ஜகமே தந்திரம் படத்தின் இரண்டாம் பாகத்தை எடுக்க வேண்டும் என்று நான் கார்த்திக் சுப்புராஜிடம் கூறிக் கொண்டே இருக்கிறேன். என் ரசிகர்களுக்கும், சினிமா ரசிகர்களுக்கும் இந்த படம் பிடிக்கும் என்ற நம்பிக்கை இருக்கிறது.

நான் ரஜினி சாரின் மிகப் பெரிய ரசிகன். கார்த்திக் சுப்புராஜும் தான். என் நடிப்பில் ரஜினி சார் நடிப்பின் தாக்கம் இருந்துவிடக் கூடாது என்பதில் இத்தனை ஆண்டுகளாக கவனமாக இருந்தேன். ஆனால் ஜகமே தந்திரத்தில் ரஜினி சார் இருக்கட்டும் என்று கார்த்திக் சொன்னார். அதனால் சுருளியிடம் ரஜினி சாரை பார்க்க முடியும்.

இந்த படம் நல்ல சூழலில் ரிலீஸாகியிருந்திருக்கலாம் என்று நினைக்கிறேன். இருப்பினும் இது போன்ற கடினமான நேரத்தில் மக்களை மகிழ்விக்க விருகிறது என்பதே சந்தோஷம் தான்.

தி கிரே மேன் ஹாலிவுட் படத்தில் நடிப்பது நல்ல அனுபவம். ஆக்ஷன் காட்சிகளில் நடிக்க ஒரு மாதம் பயிற்சி எடுத்தோம். நான் சென்னை மற்றும் வீட்டு சாப்பாடை மிஸ் பண்ணுகிறேன். நான்கு மாதங்களாக இங்கு தங்கியிருக்கிறேன்.

பான்டமிக் இல்லை என்றால் சென்னைக்கு வந்து சென்றிருக்கலாம். இன்னும் இரண்டு வாரங்களில் இந்த பட ஷூட்டிங்கை முடித்துவிடுவேன்.

படம் இயக்க ஸ்க்ரிப்ட் வைத்திருக்கிறேன். ஆனால் தற்போது நான் நடிப்பில் தான் கவனம் செலுத்திக் கொண்டிருக்கிறேன். எனவே, அடுத்த 3 ஆண்டுகளுக்கு படம் இயக்கும் திட்டம் இல்லை என்றார்.

ராஜ்கிரண், பிரசன்னா உள்ளிட்டோரை வைத்து பவர் பாண்டி படத்தை இயக்கினார் தனுஷ். அந்த படத்தை பார்த்த அனைவரும் இது தனுஷ் இயக்கிய முதல் படம் என்று சொல்ல முடியாத அளவுக்கு சிறப்பாக வந்திருக்கிறது என்று பாராட்டினார்கள்.

நாங்களும் பைக் ஓட்டுவோம்ல: அஜித் பட நடிகையின் வைரல் வீடியோ