ஹைலைட்ஸ்:

  • தனுஷிடம் சரமாரியாக கேள்வி கேட்ட நீதிபதி
  • நுழைவு வரியை கட்டச் சொன்ன நீதிபதி

கடந்த 2015ம் ஆண்டு வெளிநாட்டில் இருந்து சொகுசு காரை இறக்குமதி செய்தார் தனுஷ். அந்த காருக்கான நுழைவு வரியில் இருந்து விலக்கு கேட்டு சென்னை உயர் நீதிமன்றத்தில் வழக்கு தொடர்ந்தார்.

வழக்கை விசாரித்த உயர் நீதிமன்றம், நடிகர் தனுஷ் 50 சதவீத வரியை செலுத்தினால் அந்த காரை பதிவு செய்யுமாறு வட்டார போக்குவரத்து அலுவலகத்திற்கு உத்தரவிட்டது.

ரூ.60.66 லட்சம் நுழைவு வரியை செலுத்துங்கள்: தனுஷுக்கு ஹைகோர்ட் உத்தரவுஇந்நிலையில் நேற்று முன்தினம் அந்த வழக்கு விசாரணைக்கு வந்தது. இதையடுத்து ஆகஸ்ட் 5ம் தேதி தீர்ப்பு வழங்கப்படும் என்று கூறப்பட்டது. இன்று அந்த வழக்கு விசாரணையின்போது நீதிபதி எஸ்.எம். சுப்பிரமணியம் தனுஷிடம் சரமாரி கேள்விகளை கேட்டிருக்கிறார்.

நீதிபதி சுப்பிரமணியம் கூறியதாவது,

மனுவில் தனுஷ் தான் என்ன வேலை செய்கிறோம் என்பதை குறிப்பிடவில்லை. அது ஏன்?. செய்யும் வேலையை குறிப்பிட வேண்டியது அவசியமில்லையா?

சட்டத்திற்கு முன்பு அனைவரும் சமம். 50 ரூபாய்க்கு பெட்ரோல் போடும் பால்காரர் கூட வரி செலுத்துகிறார். அப்படி இருக்கும் போது நீங்கள் ஏன் வரி செலுத்தக் கூடாது?

ஜிஎஸ்டி கட்ட முடியவில்லை என்று பால்காரர் நீதிமன்றத்திற்கு வருகிறாரா?

மக்களின் வரிப்பணத்தில் போடும் சாலையை பயன்படுத்தும்போது அதற்கான வரியை செலுத்த வேண்டியது தானே.

நீங்கள் எவ்வளவு கார் வேண்டுமானாலும் வாங்குங்கள். ஆனால் செலுத்த வேண்டிய வரியை முறையாக செலுத்துங்கள் என்றார்.