ஹைலைட்ஸ்:

  • ஆர்.பி. சௌத்ரி மீது விஷால் போலீசில் புகார்
  • ஆர்.பி. சௌத்ரியிடம் கடன் வாங்கிய விஷால்
  • கடன் தொடர்பான பிரச்சனையால் போலீசுக்கு சென்ற விஷால்

பி.எஸ். மித்ரன் இயக்கத்தில் விஷால் தயாரித்து, ஹீரோவாக நடித்த இரும்புத்திரை படம் கடந்த 2018ம் ஆண்டு வெளியானது. அந்த படத்தை தயாரிக்க பிரபல தயாரிப்பாளரான ஆர்.பி. சௌத்ரியிடம் கடன் வாங்கியிருந்தார் விஷால்.

கடன் பெறும்போது உறுதிமொழி பத்திரம், காசோலைகள், வீட்டு பத்திரம் உள்ளிட்டவற்றை ஆர்.பி. சௌத்ரியிடம் கொடுத்தாராம். பின்னர் அந்த கடன் தொகையை திருப்பிக் கொடுத்துவிட்டாராம். கடனை திருப்பிக் கொடுத்தும் விஷாலிடம் இருந்து வாங்கிய பத்திரங்களை ஆர்.பி. சௌத்ரி கொடுக்கவில்லையாம்.

இதையடுத்து ஆர்.பி. சௌத்ரி மீது காவல் நிலையத்தில் புகார் அளித்திருக்கிறார் விஷால். இது குறித்து அவர் ட்விட்டரில் கூறியிருப்பதாவது,

இரும்புத்திரை படத்திற்காக வாங்கிய கடனை திருப்பிக் கொடுத்த பிறகும் என்னிடம் இருந்து வாங்கிய காசோலைகள், பாண்டுகள், உறுதிமொழி பத்திரங்களை மிஸ்டர் ஆர்.பி. சௌத்ரி திருப்பிக் கொடுக்காமல் இருப்பதை ஏற்க முடியாது.

பத்திரங்களை திருப்பிக் கேட்டபோது ஏதாவது காரணம் சொல்லி வந்தார். தற்போதோ பத்திரங்களை தொலைத்துவிட்டதாக கூறுகிறார். இதையடுத்து போலீசில் புகார் அளித்திருக்கிறோம் என்று தெரிவித்துள்ளார்.

இந்த விவகாரம் தொடர்பாக விஷாலுக்கு நெருக்கமான ஒருவர் கூறியதாவது,

படங்களில் நடிப்பதுடன், தயாரிப்பு நிறுவனம் ஒன்றையும் நடத்தி வருகிறார் விஷால். அந்த நிறுவனம் மூலம் தன்னுடைய சில படங்களை தயாரித்துள்ளதுடன், பிற படங்களை விநியோகம் செய்திருக்கிறார். அவரின் இரும்புத்திரை படத்திற்காக ஆர்.பி. சௌத்ரியிடம் கடன் வாங்கினார். ஆனால் பணத்தை திருப்பிக் கொடுத்தும் விஷாலிடம் இருந்து வாங்கிய ஆவணங்களை அவர் ஒப்படைக்கவில்லை.

தான் அளித்த ஆவணங்களை திருப்பிக் கொடுக்குமாறு கடந்த நான்கு மாதங்களாக கேட்டு வந்தார் விஷால். ஆனால் உறுதிமொழி பத்திரம் தொலைந்துவிட்டதாக கூறுகிறார்கள். இதையடுத்து தான் தி. நகர் டிசி அலுவலகத்தில் புகார் அளித்தார் விஷால் என்றார்.

என்னாது, ஸ்ருதி ஹாசனுக்கு கல்யாணமாகிடுச்சா!?!