அமேசான் ப்ரைம் தளத்தில் வெளியாகியுள்ள ‘ஜெய் பீம்‘ படம் அனைத்து தரப்பினர் மத்தியிலும் வரவேற்பை பெற்று வருகிறது. அதே வேளையில் இந்தப்படத்தை சுற்றி வட்டமிடும் சர்ச்சைகளையும் ஓய்ந்தபாடாக இல்லை. இந்நிலையில் திரையுலகில் பெரும் தாக்கத்தை ஏற்படுத்தியுள்ள இந்தப்படத்தின் நிஜ நாயகன் நீதபதி சந்துருவை தமிழ் சினிமா இயக்குனர்கள் நேரில் சந்தித்து கெளரவித்துள்ளனர்.

உண்மை சம்பவத்தை அடிப்படையாக கொண்டு உருவாகியுள்ள இந்தப்படத்தில் இருளர், பழங்குடியினருக்காக போராடும் வழக்கறிஞர் வேடத்தில் சூர்யா நடித்துள்ளார். இந்தப்படத்தில் சூர்யா, மணிகண்டன், லிஜோமோல் ஜோஸ், பிரகாஷ் ராஜ், ரஜிஷா விஜயன் உள்ளிட்டோர் நடித்துள்ளார். அறிமுக இயக்குனர் தா.செ.ஞானவேல் இயக்கியுள்ள இந்தப்படத்தை சூர்யாவின் 2டி என்டர்டெயின்மென்ட் நிறுவனம் தயாரித்துள்ளது.

சென்னை உயர்நீதிமன்ற நீதிபதியாக இருந்த கே.சந்துரு, வழக்கறிஞராக பணியாற்றிய காலகட்டத்தில் அவர் எடுத்து நடத்திய இருளர் – பழங்குடி சமூகத்தைச் சேர்ந்த ராஜாக்கண்ணு கொலை வழக்குதான் ‘ஜெய் பீம்’ படமாக உருவாகி பாராட்டுக்களை குவித்துக்கொண்டிருக்கிறது. மார்க்ஸிஸ்ட் கம்யூனிஸ்ட் கட்சியின் கம்மாபுரம் முன்னாள் ஒன்றிய செயலாளர் ராஜா மோகன் மூலமாக வழக்கறிஞர் சந்துருவை ராஜாக்கண்ணு மனைவி பார்வதி அணுகவே வழக்கு உயர்நீதிமன்றத்தை அடைந்தது.

‘ஜெய் பீம்’ மாதிரியான படங்கள் இவர்களுக்கு பதற்றத்தை ஏற்படுத்தும்: வெற்றிமாறன் அதிரடி!
இந்நிலையில், தமிழ் திரைப்பட இயக்குநர்கள் சார்பில் ஓய்வுபெற்ற நீதிபதி சந்துருவை நேரில் சந்தித்து கெளரவித்துள்ளனர். இயக்குநர்கள் பாரதிராஜா, பாக்யராஜ், பார்த்திபன், பிரபுதேவா உள்ளிட்டோர் நேரில் சந்தித்து சந்துருவின் ஓவியத்தை பரிசளித்து கெளரவித்துள்ளனர். அவருடன் ‘ஜெய் பீம்’ பட இயக்குநர் தா.செ ஞானவேலும் உடனிருந்துள்ளார். இந்தப் புகைப்படத்தை தனது முகப்புத்தகத்தில் பகிர்ந்துள்ளார் நீதிபதி சந்துரு.

வழக்கறிஞர் சந்துரு நீதிபதியாக இருந்த காலத்தில் ஒரு நாளைக்கு 75 வழக்குகள் என மொத்தம் 95 ஆயிரம் வழக்குகளுக்கு தீர்ப்பளித்துள்ளார். பஞ்சமி நிலங்களை வேறு யாருக்கும் ஒதுக்கக் கூடாது, சத்துணவு, அங்கன்வாடி ஊழியர்கள் நியமனத்தில், இடஒதுக்கீடு பின்பற்றப்பட வேண்டும், கோவில்களில், பெண்கள் பூஜை செய்வதற்கு எந்த தடையும் இல்லை உள்ளிட்ட வரலாற்று சிறப்பு மிக்க பல தீர்ப்புகளை நீதியரசர் சந்துரு வழங்கியுள்ளது குறிப்பிடத்தக்கது.

ரிலீஸ் முதல் சர்ச்சை வரை ”ஜெய் பீம்” ஆட்டம்!