ஹைலைட்ஸ்:

  • கொரோனா குறித்து இன்ஸ்டாகிராம் பக்கத்தில் கங்கனா சர்ச்சை பதிவு.
  • பொய் செய்தி பரப்பிய கங்கனா ரனாவத்தின் இன்ஸ்டாகிராம் பதிவு நீக்கம்.
  • வன்முறையை தூண்டிய கங்கனா ரனாவத்தின் ட்விட்டர் பக்கம் முடக்கம்.

அண்மையில் கொரோனா தொற்றால் பாதிக்கப்பட்ட நடிகை கங்கனா ரனாவத், தனது இன்ஸ்டாகிராம் பக்கத்தில் கொரோனா சாதாரண காய்ச்சல் தான். ஊடகங்கள் தான் இதனை ஊதி பெரிதாக்குகின்றன என பதிவிட்டிருந்தார். அவரின் இந்த பதிவை பார்த்த மருத்துவர்கள் பலர் இரவு, பகலாக கொரோனாவிற்கு எதிரான போரில் நாங்கள் எங்கள் உயிரையே பணயம் வைத்து பணியாற்றி வருகிறோம். ஆனால் கங்கனா கொரோனாவை சாதாரண காயச்சல் என்று கூறி வருகிறார் என்று தங்களின் கண்டனங்களை பதிவு செய்தனர்.

இந்நிலையில் கங்கனா ரனாவத்தின் கொரோனா சம்பந்தமான பதிவை அதிரடியாக நீக்கியுள்ளது இன்ஸ்டாகிராம் நிறுவனம். அண்மையில் கொரோனா தொற்றால் பாதிக்கப்பட்ட பாலிவுட் சர்ச்சை நாயகி கங்கனா ரனாவத் தன்னுடைய இன்ஸ்டாகிராம் பக்கத்தில், “எனக்கு உடல் சோர்வாக, பலவீனமாக இருந்தது. கண்களில் எரிச்சல் இருந்தது. ஹிமாச்சல் கிளம்பலாம் என்று இருந்தேன். எனவே நேற்று கொரோனா பரிசோதனை செய்துகொண்டேன். இன்று எனக்கு கோவிட் தொற்று இருப்பதாக முடிவுகள் வந்துள்ளன. என்னை தனிமைப்படுத்திக் கொண்டேன்.

இந்தக் கிருமி என் உடலில் கொண்டாட்டமாக இருந்துவருவது எனக்கு சுத்தமாகத் தெரியவில்லை. இப்போது எனக்குத் தெரிந்துவிட்டது என்பதால் அதை நான் அழிப்பேன். மக்களே, எதற்கும் உங்கள் மீது ஆதிக்கம் செலுத்தும் சக்தியை அனுமதிக்காதீர். நீங்கள் பயந்தால் அது உங்களை இன்னும் பயமுறுத்தும். வாருங்கள் இந்த கோவிட்-19 கிருமியை அழிப்போம். இது வெறும் சிறு காய்ச்சல் மட்டுமே. அதிகமான ஊடக வெளிச்சத்தால் மக்களைப் பயமுறுத்திவருகிறது. ஹர ஹர மஹாதேவ்” என பதிவிட்டுள்ளார்.

கொரோனாவால் திரையுலகில் நேர்ந்த அடுத்த பலி: அதிர்ச்சியில் ரசிகர்கள்!
கொரோனா இரண்டாம் அலையை கட்டுப்படுத்த முடியாமல் மத்திய, மாநில அரசுகள் திணறி வருகின்றன. பணமிருந்தும் மருத்துவமனைகளில் நோயாளிகள் படுக்கை வசதிகள் கிடைக்காமலும், ஆக்ஸிஜன் சிலிண்டர் கிடைக்காமலும் அல்லல்ப்பட்டு வருகின்றனர். இந்நிலையில் கொரோனா தொற்றை சாதாரண காய்ச்சல் என கங்கனா குறிப்பிட்டது பல்வேறு சர்ச்சைகளை கிளப்பியது. இதனையடுத்து அவரின் பதிவிற்கு ஏகப்பட்ட கண்டனங்கள் எழுந்ததை தொடர்ந்து இன்ஸ்டாகிராம் நிறுவனம் அவரின் பதிவை நீக்கியுள்ளது.

அண்மையில் அறிவிக்கப்பட்ட மேற்கு வங்க தேர்தல் முடிவுகளுக்கு பிறகு அந்த மாநிலத்தில் ஆளும் திரிணாமுல் காங்கிரஸ் தொண்டர்களுக்கும், பாஜக தொண்டர்களுக்கும் இடையே மோதல் ஏற்பட்டது. இது குறித்து நடிகை கங்கனா ரனாவத் வன்முறை தூண்டும் விதமாக தனது ட்விட்டர் பக்கத்தில் ஒருசில கருத்துகளை பகிர்ந்திருந்தார். அவரின் டவிட்கள் ஆளும் பாஜகவை அதிர செய்தது. இதனை தொடர்ந்து நடிகை கங்கனாவின் ட்விட்டர் பக்கம் முடக்கப்பட்டது. ட்விட்டர் முடக்கம், இன்ஸ்டாகிராம் பதிவு நீக்கம் என அடுத்தடுத்த சர்ச்சைகளை சிக்கி வருகிறார் கங்கனா ரனாவத்.