ஹைலைட்ஸ்:

  • ஜுபித்தை மணந்த திவ்யா கோபிநாத்
  • பதிவுத் திருமணம் செய்து கொண்ட திவ்யா

மலையாள படங்களில் நடித்து வருபவர் திவ்யா கோபிநாத். ஜுபித் இயக்கத்தில் கடந்த 2018ம் ஆண்டு வெளியான ஆபாசம் படத்தில் நடித்தார் திவ்யா. அந்த படத்தில் நடித்தபோது திவ்யாவுக்கும், ஜுபித்துக்கும் இடையே காதல் ஏற்பட்டது.

காதலை வீட்டில் சொல்லி திருமணம் செய்து கொண்டிருக்கிறார்கள். கேரளாவில் இருக்கும் துணை பதிவாளர் அலுவலகத்தில் வைத்து அவர்களின் திருமணம் எளிய முறையில் நடந்தது.

அதன் பிறகு திருமண வரவேற்பு நிகழ்ச்சி நடந்தது. அதில் மலையாள திரையுலகை சேர்ந்தவர்கள் கலந்து கொண்டு திவ்யா, ஜுபித்தை வாழ்த்தினார்கள்.

திருமணம் மற்றும் வரவேற்பின்போது எடுக்கப்பட்ட புகைப்படங்களை இன்ஸ்டாகிராமில் போஸ்ட் செய்திருக்கிறார் திவ்யா.

பேருந்து பயணத்தின்போது சந்தித்து நண்பர்கள் ஆனோம். அதன் பிறகு சேர்ந்து பணியாற்றினோம் என திவ்யா தெரிவித்துள்ளார்.

திருமண புகைப்படங்களை பார்த்த திரையுலகினரும், ரசிகர்களும் வாழ்த்து தெரிவித்துள்ளனர். திருமணத்தை இவ்வளவு எளிமையாக நடத்திவிட்டீர்களே, சபாஷ் என ரசிகர்கள் பாராட்டியிருக்கிறார்கள்.

ராஜீவ் ரவியின் கம்மாட்டிபாடம் படம் மூலம் பிரபலமானவர் திவ்யா. வைரஸ் உள்ளிட்ட சில படங்களில் நடித்திருக்கிறார். ஆவண படங்கள் மூலம் தன் கெரியரை துவங்கி மல்லுவுட்டுக்கு வந்தவர் ஜுபித் என்பது குறிப்பிடத்தக்கது.

சூர்யாவை பத்தி நீங்க பேசக் கூடாது: ட்விட்டரில் டிரெண்டாகும் #சாதிவெறி_சந்தானம்