ஓராண்டுக்கும் மேலாக அப்டேட் இல்லாமல் இருக்கும் நிலையில் வரும் 15ம் தேதி வலிமை பட அப்டேட் வருகிறது என்று கூறப்படுகிறது.

வலிமை

ஹெச். வினோத் இயக்கத்தில் அஜித் போலீஸ் அதிகாரியாக நடித்துள்ள படம் வலிமை. பாலிவுட் நடிகை ஹூமா குரேஷி, தெலுங்கு நடிகர் கார்த்திகேயா ஆகியோர் முக்கிய கதாபாத்திரங்களில் நடித்திருக்கிறார்கள். கொரோனா வைரஸ் பிரச்சனை துவங்கியதில் இருந்தே வலிமை படம் குறித்து எந்த அப்டேட்டும் இல்லை. அஜித்தின் பிறந்தநாளுக்கு கூட அப்டேட் வராதது தான் ரசிகர்களை கவலையும், கோபமும் அடைய செய்தது.

வலிமை அப்டேட்

ஜுலை மாதம் வலிமை அப்டேட் வரும் என்று கூறப்பட்டது. இதையடுத்து ஜூலை 1ம் தேதி அன்று வலிமை அப்டேட் மாதம்#ValimaiFirstLookMonth என்று ட்விட்டரில் ஹேஷ்டேகை டிரெண்டாக்க விட்டார்கள். இந்நிலையில் ஜூலை 15ம் தேதி வலிமை அப்டேட் வருகிறது என்று தகவல் வெளியாகியுள்ளது. படத்தின் ஃபர்ஸ்ட் லுக் போஸ்டர் வரும் 15ம் தேதி வெளியிடப்படும் என்று எதிர்பார்க்கப்படுகிறது.

டபுள் ட்ரீட்

ஃபர்ஸ்ட் லுக் போஸ்டருடன் மோஷன் போஸ்டரையும் வெளியிட்டு ரசிகர்களுக்கு டபுள் ட்ரீட் கொடுக்க முடிவு செய்திருக்கிறார்களாம். இந்நிலையில் ரிலீஸுக்கு முன்பே வலிமை படம் ரூ. 200 கோடி வசூல் செய்திருப்பதாக செய்திகள் வெளியாகியுள்ளன. மேலும் சமூக வலைதளங்களில் அதிகம் பேசப்படும் தலைப்பாக வலிமை இருக்கிறது. வலிமை குறித்து அப்டேட் வராத நிலையிலும் இந்த அளவுக்கு கிரேஸ் இருக்கிறது. இந்நிலையில் யூரோ கால்பந்து போட்டிகள் நடக்கும் மைதானத்தில் அஜித் ரசிகர்கள் வலிமை அப்டேட் கேட்டபோது எடுக்கப்பட்ட புகைப்படம் வெளியாகி வைரலாகியுள்ளது.

தல 61

-61

வலிமை படத்திற்கு யுவன் ஷங்கர் ராஜா இசையமைத்துள்ளார். படத்தில் அம்மாவை கொண்டாடும் பாட்டு ஒன்று இருப்பதாக யுவன் தெரிவித்தார். வலிமையை அடுத்து மீண்டும் ஹெச். வினோத் இயக்கத்தில் நடிக்க முடிவு செய்திருக்கிறார் அஜித். தல 61 என்று அழைக்கப்படும் அந்த படத்தையும் போனி கபூர் தான் தயாரிக்கவிருக்கிறார்.