கடந்த ஆண்டு மார்ச் மாதம் திரையரங்குகளில் வெளியாகி அதன் பின்னர் கொரோனா அச்சுறுத்தல் காரணமாக ஓடிடியிலும் வெளியான மலையாள படம் கப்பேலா. முகம்மது முஸ்தபா இயக்கியிருந்தார் இந்த திரைப்படத்தில் அன்னா பென், ஸ்ரீநாத் பாஸி, ரோஷன் மேத்யூ உள்ளிட்ட பலர் நடித்திருந்தனர். ரசிகர்கள் மத்தியில் மிகப்பெரிய அளவில் வரவேற்பை பெற்ற இந்த திரைப்படம் தற்போது தெலுங்கில் ரீமேக்காக உள்ளது.

செளரி சந்திரசேகர் ரமேஷ் இயக்கத்தில் உருவாகும் இந்தப் படத்தில் சித்து ஜொன்னலகட்டா, அர்ஜுன் தாஸ் இருவரும் நாயகர்களாக நடிக்கவுள்ளனர். அன்னா பென் கதாபாத்திரத்தில் நடிக்கப் பல்வேறு முன்னணி நடிகைகளிடம் பேச்சுவார்த்தை நடைபெற்று வருகிறது. கப்பலோ ரீமேக்கின் மூலம் தெலுங்கிலும் அறிமுகமாக உள்ளார் அர்ஜுன் தாஸ்.

கைதி, அந்தகாரம் மற்றும் மாஸ்டர் உள்ளிட்ட படங்களில் நடித்தவர் அர்ஜுன் தாஸ். இவரது குரலுக்கு என்றே தனி ரசிகர் பட்டாளம் உள்ளது. எந்த நிகழ்ச்சிக்குச் சென்றாலும் ‘கைதி‘ படத்தில் இவர் பேசிய வசனங்களை பேசி சொல்லி கேட்பார்கள் ரசிகர்கள். அந்தளவிற்கு அர்ஜுன் தாஸ் குரல் அவருக்கு ஸ்பெஷல் அடையாளமாக மாறிவிட்டது. தற்போது வசந்த பாலன் இயக்கத்தில் உருவாகி வரும் புதிய படத்தில் நாயகனாக நடித்து வருகிறார் அர்ஜுன் தாஸ்.

கெளதம் மேனன் இயக்கத்தில் நடிக்க தயாராகும் சிம்பு: விரைவில் படப்பிடிப்பு துவக்கம்!
இந்த படத்தின் துவக்க விழா நேற்றைய தினம் நடை பெற்றது. ‘கப்பேலா’ ரீமேக் பூஜையில் இயக்குநர் த்ரிவிக்ரம் கலந்துகொண்டு படக்குழுவினருக்கு வாழ்த்து தெரிவித்தார். இந்த படத்தை சித்தாரா எண்டர்டெயின்மெண்ட்ஸ் நிறுவனம் தயாரிக்கயிருப்பது குறிப்பிடத்தக்கது.