ஹைலைட்ஸ்:

  • நடிகையின் பெற்றோரை அறையில் வைத்து பூட்டிய இயக்குநர்
  • இன்று ரிலீஸாகியிருக்கும் பன்ட்டி அவுர் பப்ளி 2

அலைபாயுதே படத்தின் இந்தி ரீமேக்கான சாத்தியாவில் விவேக் ஓபராயும், ராணி முகர்ஜியும் நடித்திருந்தார்கள். மணிரத்னத்துடன் சேர்ந்து யஷ் சோப்ரா தயாரித்தார். அந்த படத்தில் நடிக்க முதலில் மறுப்பு தெரிவித்திருக்கிறார் ராணி.

இது குறித்து ராணி பேட்டி ஒன்றில் கூறியதாவது,

முஜ்சே தோஸ்தி கரோகே படத்திற்கு பிறகு வேலை இல்லாமல் 8 மாதங்கள் சும்மா இருந்தேன். என் கெரியர் முடிந்துவிட்டது, ராணி அவ்வளவு தான் என்று சினிமா விமர்சகர்கள் தெரிவித்தார்கள்.

அந்த நேரத்தில் தான் சாத்தியா பட வாய்ப்பு வந்தது. சாத்தியாவில் நடிக்க எனக்கு விருப்பம் இல்லை என்பதை தெரிவிக்க என் பெற்றோர் யஷ் சோப்ராவை சந்திக்க சென்றார்கள்.

யஷ் சோப்ராவோ தன் அறை கதவை பூட்டிவிட்டு எனக்கு போன் செய்தார். உன் பெற்றோரை ஒரு அறையில் வைத்து பூட்டிவிட்டேன். சாத்தியா படத்தில் நடிக்க ஒப்புக் கொண்டால் மட்டுமே அவர்களை வெளியே விடுவேன் என்றார்.

அப்படித் தான் நான் சாத்தியாவில் நடித்தேன் என்றார்.

கெரியரை பொறுத்தவரை சயிஃப் அலி கானுடன் சேர்ந்து பன்ட்டி அவுர் பப்ளி 2 படத்தில் நடித்திருக்கிறார் ராணி முகர்ஜி. சித்தாந்த் சதுர்வேதி, சர்வாரி வாக் ஆகியோர் முக்கிய கதாபாத்திரங்களில் நடித்திருக்கும் அந்த படம் இன்று தியேட்டர்களில் ரிலீஸாகி இருக்கிறது.

பணம் இல்லைனு கைவிரித்த தயாரிப்பாளர்: நடிகர்களை சிறைபிடித்த ஹோட்டல்