தமிழ் சினிமாவில் முன்னணி நடிகையாக திகழும் நயன்தாரா இன்று தனது பிறந்தநாளை கொண்டாடி வருகிறார். அவருக்கு திரையுலகினர் மற்றும் ரசிகர்கள் வாழ்த்து தெரிவித்து வருகின்றனர். இந்நிலையில் அவரின் பிறந்தநாளை முன்னிட்டு நயன்தாரா நடிக்கவுள்ள புதிய படம் குறித்த அறிவிப்பு தற்போது வெளியாகியுள்ளது.

தமிழ் சினிமாவில் டாப் நடிகையாக வலம் வரும் நடிகை நயன்தாரா ரஜினி, அஜித், விஜய், தனுஷ், சூர்யா, விஷால் உள்ளிட்ட முன்னணி நடிகர்கள் அனைவருடனும் இணைந்து நடித்து விட்டார். தற்போது கதாநாயகிகளுக்கு முக்கியத்துவம் அளிக்கும் கதைக்களங்களை தேர்ந்தெடுத்து நடித்து வரும் நயன்தாரா, தெலுங்கு மலையாளம் உள்ளிட்ட மொழிகளிலும் முன்னணி நாயகியாக வலம் வந்து கொண்டிருக்கிறார்.

இந்நிலையில் நயன்தாரா பிறந்தநாளை முன்னிட்டு ரவுடி பிக்சர்ஸ் தயாரிப்பில் அவர் நடிக்கவுள்ள புதிய படத்தின் அறிவிப்பு வெளியாகியுள்ளது. அனுபம்கெர், நயன்தாரா மற்றும் சத்யராஜ் ஆகியோரது நடிப்பில் உருவாகி வரும் இந்த படத்தை அஸ்வின் சரவணன் இயக்கவுள்ளார். இவர் ஏற்கனவே நயன்தாரா நடித்த ‘மாயா’ படத்தை இயக்கியவர் என்பது குறிப்பிடத்தக்கது.

நீண்ட இடைவெளிக்கு பிறகு இணையும் விஜய் – பிரபுதேவா காம்போ: உற்சாகத்தில் ரசிகர்கள்!
நயன்தாரா நடிப்பில் உருவாகவுள்ள இந்தப்படத்திற்கு ‘கனெக்ட்’ என்ற டைட்டில் வைக்கப்பட்டுள்ளது. இதன் படப்பிடிப்பு விரைவில் துவங்கும் என எதிர்பார்க்கப்படுகிறது. நயன்தாரா தற்போது விக்னேஷ் சிவன் இயக்கத்தில் ‘காத்து வாக்குல ரெண்டு காதல்‘ படத்தில் நடித்து வருகிறார். மேலும் ‘கோல்டு’, காட்ஃபாதர், லயன் உள்ளிட்ட சில படங்களிலும் நயன்தாரா நடித்து வருவது குறிப்பிடத்தக்கது.