லூசிஃபர் தெலுங்கு ரீமேக்கில் நடிக்க நயன்தாராவுக்கு கொடுக்கப்பட்ட சம்பளம் தான் பலரையும் வியக்க வைத்திருக்கிறது.

லூசிஃபர் ரீமேக்

மோகன்லால், மஞ்சு வாரியர் நடிப்பில் வெளியான லூசிஃபர் படத்தை மெகா ஸ்டார் சிரஞ்சீவியை வைத்து தெலுங்கில் ரீமேக் செய்து வருகிறார் மோகன்ராஜா. அந்த படத்தில் மஞ்சு வாரியரின் கதாபாத்திரத்தில் நயன்தாரா நடிக்கிறார். நயன்தாராவுக்கு ஜோடியாக சத்யதேவ் நடிக்கிறார்.

நயன்தாரா

பிரபலம் இல்லாத சத்யதேவுக்கு ஜோடியாக நடிக்க முடியாது, அவரை மாற்றுங்கள் என்று நயன்தாரா கூறியதாக தகவல் வெளியானது. ஆனால் தற்போது சத்யதேவுடன் தான் நடிக்கிறார் நயன்தாரா. இந்நிலையில் லூசிஃபர் ரீமேக்கிற்காக நயன்தாரா ரூ. 4 கோடி சம்பளம் வாங்கியிருப்பதாக கூறப்படுகிறது. படம் முழுக்க வரும் முக்கிய கதாபாத்திரமாக இல்லாவிட்டாலும் இந்த சம்பளமாம்.

சம்பளம்

தெலுங்கு திரையுலகில் ஒரு நடிகைக்கு ரூ. 4 கோடி கொடுத்திருப்பது இதுவே முதல் முறை ஆகும் என்று கூறப்படுகிறது. லூசிஃபர் ரீமேக்கில் நயன்தாரா தான் நடிக்க வேண்டும் என்று சிரஞ்சீவி கூறினாராம். அதன் பிறகே நயன்தாராவை ஒப்பந்தம் செய்தாராம் மோகன்ராஜா. நயன்தாரா முன்னதாக சிரஞ்சீவியின் சயீரா நரசிம்ம ரெட்டி படத்தில் நடித்தார் என்பது குறிப்பிடத்தக்கது.

காத்து வாக்குல ரெண்டு காதல்

தன் காதலர் விக்னேஷ் சிவன் இயக்கத்தில் நயன்தாரா நடித்திருக்கும் காத்து வாக்குல ரெண்டு காதல் படம் டிசம்பர் மாதம் ரிலீஸாகவிருக்கிறது. அந்த படத்தின் ஹீரோ விஜய் சேதுபதி. இன்னொரு ஹீரோயினாக சமந்தா நடித்திருக்கிறார். நயன்தாராவும், சமந்தாவும் சேர்ந்து நடித்திருப்பது இதுவே முதல் முறை ஆகும்.