ஹைலைட்ஸ்:

  • இன்று பிறந்தநாள் கொண்டாடும் நயன்தாரா
  • கனெக்ட் பட அறிவிப்பை வெளியிட்ட விக்னேஷ் சிவன்

கோலிவுட்டின் நம்பர் ஒன் நடிகையான நயன்தாராவின் பிறந்தநாள் இன்று. நள்ளிரவில் சர்பிரைஸ் பார்ட்டிக்கு ஏற்பாடு செய்தார் விக்னேஷ் சிவன்.

நள்ளிரவில் பார்ட்டி, வான வேடிக்கை, கட்டிப்பிடி வைத்தியம்: நயன் பிறந்தநாளை ஜமாய்த்த விக்கி

நயன்தாரா கேக் வெட்டிய வீடியோவை இன்ஸ்டா ஸ்டோரியில் வெளியிட்டார் விக்னேஷ் சிவன். நயன்தாராவின் பிறந்தநாளான இன்று அவர் படத்தின் ஃபர்ஸ்ட் மற்றும் செகணட் லுக் போஸ்டர்களை வெளியிட்டுள்ளது விக்னேஷ் சிவனின் ரௌடி பிக்சர்ஸ் நிறுவனம்.

அஸ்வின் சரவணன் இயக்கும் அந்த படத்தை விக்னேஷ் சிவன் தயாரிக்கிறார். புதுப்பட போஸ்டர்களை பார்த்த நயன்தாரா ரசிகர்கள் மகிழ்ச்சி அடைந்தாலும், ஏமாற்றமும் அடைந்திருக்கிறார்கள்.

அவர்கள் எதிர்பார்த்த குட் நியூஸே வேறு. திருமண தேதியை அறிவிப்பார் விக்னேஷ் சிவன் என்று நயன்தாரா ரசிகர்கள் எதிர்பார்த்தனர்.

தனக்கும், விக்னேஷ் சிவனுக்கும் நிச்சயதார்த்தம் நடந்துவிட்டதாக பேட்டி ஒன்றில் தெரிவித்தார் நயன்தாரா. அதில் இருந்து திருமண தேதியை தான் ரசிகர்கள் எதிர்பார்க்கிறார்கள்.

சும்மா, சும்மா தலைவியின் புகைப்படங்கள், வீடியோக்களை வெளியிட வேண்டாம். சீக்கிரமாக திருமண வீடியோவை வெளியிடவும் அன்பான இயக்குநரே என்கிறார்கள் நயன்தாரா ரசிகர்கள்.

நயன்தாரா கை நிறைய படங்கள் வைத்திருக்கிறார். அதனால் தற்போதைக்கு திருமணம் இல்லை என்று கூறப்படுகிறது.