ஹைலைட்ஸ்:

  • கொரோனா நிவாராணப் பணிகளுக்கு நன்கொடை வழங்கும் திரைத்துறையினர்.
  • சூர்யா, அஜித் குமார், ரஜினிகாந்த் மகள் சௌந்தர்யா கொரோனா நிவாரணத்திற்கு நன்கொடை.
  • முதல்வரை நேரில் சந்தித்து 5 லட்சம் வழங்கியுள்ளார் கவிப்பேரரசு வைரமுத்து.

அதிகரித்து வரும் கொரோனா பாதிப்பைக் கட்டுப்படுத்தும் விதமாக தமிழகத்தில் பல கட்டுப்பாடுகள் அறிவிக்கப்பட்டுள்ளது. இந்தநிலையில், அண்மையில் தமிழக முதல்வர் மு.க.ஸ்டாலின் ‘கோவிட் தொற்றின் இரண்டாவது அலையால் நமது மாநிலம் வெகுவாக பாதிக்கப்பட்டுள்ளது, அதற்காக அனைவரும் முதல்வரின் பொது நிவாரண நிதிக்கு தாரளமாக நன்கொடை வழங்குமாறு வேண்டுகோள் விடுத்திருந்தார்.

பேரிடர் காலத்தில் பொதுமக்கள் அளிக்கக்கூடிய நன்கொடைகள் அனைத்தும், ஆக்சிஜன் உற்பத்தி மற்றும் சேமிப்பு நிலையங்கள் அமைத்தல், ஆக்சிஜன் வசதிகளுடன் கூடிய படுக்கைகளை அமைத்தல், ஆக்சிஜன் செறிவூட்டும் இயந்திரங்கள், ஆர்.டி.பி.சி.ஆர். கிட்டுகள், உயிர்காக்கும் மருந்துகள், தடுப்பூசிகள் மற்றும் பிற மருத்துவக் கருவிகளை வாங்குதல் போன்ற கொரோனா நிவாரண நடவடிக்கைகளுக்கு மட்டுமே முழுமையாகப் பயன்படுத்தப்படும். மேலும் செலவினங்கள் குறித்து பொது வெளியில் வெளிப்படையாக அறிவிக்கப்படும் என்றும் அறிவித்திருந்தார்.

இதனை தொடர்ந்து திரையுலக பிரபலங்கள் பலர் தமிழக முதல்வரை நேரில் சந்தித்து நிதி வழங்கி வருகின்றனர் என்பது குறிப்பிடத்தக்கது. ஏற்கனவே சிவகுமார் குடும்பத்தினர் ஒரு கோடி, அஜித் 25 லட்சம், ரஜினிகாந்த் மகள் சௌந்தர்யா ரஜினிகாந்த் ஒரு கோடி, ஏஆர் முருகதாஸ் 25 லட்சம் என பலர் கொரோனா நிவாரண நிதிக்காக நன்கொடை அளித்து வருகின்றனர்.

நடிகர்கள் கூத்தாடி என்றால் உங்கள் தொழில் வாயாடியா?: பிரபல நடிகை காட்டம்!
இந்நிலையில் நேற்றைய தினம் முதல்வர் முக ஸ்டாலின் அவர்களை அவரது இல்லத்தில் சந்தித்து 5 லட்ச ரூபாய்க்கான காசோலையை நிவாரண நிதியாக அளித்துள்ளார் கவிப்பேரரசு வைரமுத்து. அதேபோல் திரையரங்கு உரிமையாளர் சங்கத் தலைவர் அபிராமி ராமநாதனும் ரூபாய் ஒரு லட்சம் நிவாரண நிதியாக அறிவித்துள்ளார் என்பது குறிப்பிடத்தக்கது.

இது குறித்து கவிப்பேரரசு வைரமுத்து தனது ட்விட்டர் பக்கத்தில், முதலமைச்சர் மு.க.ஸ்டாலினைச் சந்தித்து முதலமைச்சர் பொது நிவாரண நிதிக்கு ரூபாய் 5லட்சம் வழங்கினேன். மனம்விட்டு உரையாடினோம். முதலமைச்சர் பண்பாட்டில் பழுத்திருக்கிறார்; நல்லாட்சி குறித்தே கனவு காண்கிறார்; செயல் குறித்தே திட்டமிடுகிறார்; நாடுகாக்கத் துடிக்கும் நல்லவரை வாழ்த்தினேன் என பதிவிட்டுள்ளார்.