ஹைலைட்ஸ்:

  • பேமிலி மேன் 2 சீரிஸ் அமேசான் பிரைம் தளத்தில் வெளியாகியுள்ளது.
  • பேமிலி மேன் 2 சீரிஸில் தமிழர்களை இழிவுபடுத்தி உள்ளதாக சர்ச்சை.
  • பேமிலி மேன் 2 சீரிஸ் சர்ச்சை குறித்து மனோஜ் பாஜ்பாய் விளக்கம்.

அண்மையில் ஓடிடி ரிலீசாக அமேசான் ப்ரைம் தளத்தில் வெளியான ‘தி பேமிலி மேன் 2’ வெப் சீரிஸ் ரசிகர்களிடையே நல்ல வரவேற்பைப் பெற்றுள்ளது. மனோஜ் பாஜ்பாய், சமந்தா, ப்ரியாமணி, ஷரத் கேல்கர் உள்ளிட்ட பலர் இதில் நடித்துள்ளனர். இந்நிலையில் இந்த படம் தொடர்பான சர்ச்சைகள் குறித்து நடிகர் மனோஜ் பாஜ்பாய் விளக்கம் அளித்துள்ளார்.

ராஜ் மற்றும் டிகே என்ற இரட்டை இயக்குனர்கள் இயக்கத்தில் இந்தியில் கடந்த 2019 ஆம் ஆண்டு அமேசான் ப்ரைமில் வெளியான வெப்சீரிஸ் பேமிலி மேன். மும்பை குண்டு வெடிப்பை மையமாக கொண்ட உருவாக்கப்பட்ட இந்த வெப் சிரிஸில் ரசிகர்களிடம் நல்ல வரவேற்பை பெற்றது. இந்நிலையில், இதன் இரண்டாவது சீசன் கடந்த சில தினங்களுக்கு முன்பாக அமேசான் பிரைமில் வெளியானது. இந்த சீசனில் ராஜி எனும் தற்கொலைப் படையை சேர்ந்த நபராக வில்லியாக நடித்துள்ளார் நடிகை சமந்தா.

இந்த வெப் தொடரில் சர்ச்சைக்குரிய காட்சிகள் இடம்பெற்று இருப்பதாக கண்டனங்கள் எழுந்தன. விடுதலை புலிகள் இயக்கத்தையும் மறைந்த முன்னாள் பிரதமர் ராஜீவ் காந்தி கொலை வழக்கையும் மையப்படுத்தியே இந்த வெப் தொடர் உருவாக்கப்பட்டுள்ளதாக சர்ச்சைகளும் எழுந்துள்ளன. எனினும் மனோஜ் பாஜ்பாய், சமந்தா ஆகியோரது நடிப்பும், விறுவிறுப்பான திரைக்கதையும் ரசிகர்கள் மத்தியில் பெரும் வரவேற்பைப் பெற்றுள்ளன.

முதலமைச்சருக்கு நன்றி தெரிவித்த மாநாடு பட தயாரிப்பாளர்: காரணம் இதுதான்!
இந்நிலையில் பேமிலி மேன் வெப் சீரிஸ் குறித்து படத்தின் ஹீரோ மனோஜ் பாஜ்பாய் கூறியுள்ளதாவது, ‘நடிகர்கள், இயக்குநர்கள், எழுத்தாளர்கள் என ஒரு குழுவாக நாங்கள் ஒவ்வொரு மாநிலம் மற்றும் ஒவ்வொரு மனிதருடைய நம்பிக்கையையும், கலாச்சாரத்தையும் மதிக்கிறோம். யாரையும் காயப்படுத்துவதற்காக நாங்கள் எதையும் செய்யவில்லை. முதல் சீசனிலும் சரி, இந்த சீசனிலும் சரி நாங்கள் அரசியல் குறித்துப் பேசவில்லை. ஒவ்வொரு கதாபாத்திரத்தையும் அதற்கே உரிய மனிதத்தன்மையுடன் அணுகுகிறோம்.

ஒவ்வொரு கதாபாத்திரமும் அவர்களுடைய சொந்தக் கதையில் ஹீரோதான். இப்போது இத்தொடர் உங்கள் முன்னால் இருக்கிறது. அது உங்களுக்குப் பிடித்திருக்கிறது. ஏனெனில் நீங்கள் பயந்த அளவுக்கு அது இல்லை என்பதை நீங்கள் எங்கோ ஓரிடத்தில் உணர்கிறீர்கள். அது உங்களைப் பற்றியும் உங்கள் நம்பிக்கைகளைப் பற்றியும் மிகவும் மரியாதையான வகையில் அன்புடன் பேசுகிறது’ என குறிப்பிட்டுள்ளார் மனோஜ் பாஜ்பாய்.