‘மாஸ்டர்’ படத்தின் வெற்றியை தொடர்ந்து தற்போது கமல்ஹாசன் நடிப்பில் ‘விக்ரம்‘ படத்தை இயக்கும் வேளைகளில் இறங்கியுள்ளார் இயக்குநர் லோகேஷ் கனகராஜ். கடந்த வாரம் ‘விக்ரம்’ திரைப்படத்தின் அட்டகாசமான பர்ஸ்ட் லுக் போஸ்டர் வெளியாகி இணையத்தில் வைரலாகி வருகிறது. அதனை தொடர்ந்து நேற்றைய தினம் ‘விக்ரம்’ படத்தின் படப்பிடிப்பு துவங்கியது. இந்நிலையில் நீண்ட இடைவெளிக்கு பிறகு படப்பிடிப்பில் கலந்து கொண்டது பற்றி தனது ட்விட்டர் பக்கத்தில் பதிவு ஒன்றை பகிர்ந்துள்ளார் கமல்ஹாசன்.

கொரோனா இரண்டாம் அச்சுறுத்தல், சட்டமன்ற தேர்தல் போன்ற காரணங்களால் ‘விக்ரம்’ திரைப்படத்தின் படப்பிடிப்பு தடைப்பட்டது. அதனை தொடர்ந்து தேர்தல் முடிந்த கையோடு படத்தில் பணியாற்ற உள்ள மற்ற டெக்னீஷியர்கள் குறித்த அப்டேட்யும் தொடர்ச்சியாக வெளியிட்டு வந்தார் லோகேஷ் கனகராஜ். இந்தப்படத்தில் கமலுடன் பகத் பாசில், விஜய் சேதுபதி, அர்ஜுன் தாஸ், நரேன் உள்ளிட்டோர் இணைந்து நடிக்கவுள்ளனர்.

‘விக்ரம்’ திரைப்படத்தை கமலின் ராஜ்கமல் இன்டர்நேஷனல் தயாரிக்கவுள்ளது. இந்நிலையில் கடந்த வாரம் ‘விக்ரம்’ படத்தின் பர்ஸ்ட் லுக் போஸ்டர் வெளியாகி இணையத்தில் வைரலானது. போஸ்டரில் கமல்ஹாசன், விஜய் சேதுபதி, பகத் பாசில் மூவரும் மிரட்டலாக காட்சியளிக்கின்றனர் என ரசிகர்கள் கமெண்ட் அடித்தனர். இந்நிலையில் நேற்றைய தினம் ‘விக்ரம்’ படத்தின் படப்பிடிப்பு துவங்கியது.

எங்கள் குடும்பத்திற்கு விஜய் செய்த பேருதவி: நடிகர் நாசர் பகிர்ந்த நெகிழ்ச்சி சம்பவம்!
அதனை தொடர்ந்து தற்போது ‘விக்ரம்’ படப்பிடிப்பில் கலந்து கொண்டது குறித்து பதிவு ஒன்றை பகிர்ந்துள்ளார் கமல்ஹாசன். அதில், ‘விக்ரம்’ படத்தின் முதல் நாள் படப்பிடிப்பின்போது ஒரு உயர் நிலை பள்ளியில் மீண்டும் இணைந்தது போல உணர்ந்தேன், கடந்த 50 ஆண்டுகளில் நான் திரைப்பட படப்பிடிப்பில் இருந்து விலகி இருந்த மிக நீண்ட காலம் இதுதான், நான் மட்டுமின்றி பல திரைப்பட தயாரிப்பாளர்கள் கிட்டத்தட்ட ஒரு வருடமாக எந்தவித படப்பிடிப்பையும் நடத்தவில்லை என்று குறிப்பிட்டுள்ளார்.

மேலும், எனது சக தோழர்கள் அனைவரையும் எங்கள் நிறுவனமான ராஜ்கமல் பிலிம்ஸ் இண்டர்நேஷனல் படப்பிடிப்பில் பணிபுரிய அன்புடன் வரவேற்கிறேன். குறிப்பாக லோகேஷ் கனகராஜ் மற்றும் அவரது உற்சாகமான குழுவினர் மற்றும் திறமையான நடிகர்களாகிய விஜய் சேதுபதி மற்றும் பகத் பாசில் ஆகியோர்களை வரவேற்கிறேன் என்று தெரிவித்துள்ளார். மேலும், இந்த பதிவுடன் படப்பிடிப்பு குறித்த வீடியோ ஒன்றையும் இணைத்துள்ளார் கமல்ஹாசன்.