ஹைலைட்ஸ்:

  • பட்டியலின மக்களை தாக்கிப் பேசிய மீரா மிதுன்
  • மீரா மிதுன் மீது போலீசில் புகார்

தன் முகத்தை, ஸ்டைலை நயன்தாரா, த்ரிஷா, ஐஸ்வர்யா ராஜேஷ் உள்ளிட்டோர் காப்பி அடித்து வருவதாக மீரா மிதுன் தொடர்ந்து புகார் தெரிவித்து வருகிறார். இந்நிலையில் பட்டியலின மக்கள் மோசமான கிரிமினல் செயல்களில் ஈடுபடுவதாக அவர் கூறியிருக்கிறார். பட்டியலின மக்கள் தன் வேலையை காப்பியடிப்பதாகக் கூறி அவர்களை விளாசி வீடியோ வெளியிட்டுள்ளார் மீரா மிதுன்.

அந்த சாதியினரை சினிமாவை விட்டே துரத்த வேண்டும்: மீரா மிதுன் திமிர் பேச்சு!இந்நிலையில் மீரா மிதுனை கைது செய்யக் கோரி திராவிடர் விடுதலைக் கழகத்தினர் மதுரை போலீஸ் கமிஷனர் அலுவலகத்தில் புகார் அளித்தார்.

அந்த மனுவில் அவர்கள் கூறியிருப்பதாவது,

நடிகை மீரா மிதுன் சமீபத்தில் வெளியிட்ட காணொலியில் பட்டியலினத்தைச் சேர்ந்த சினிமா இயக்குநர்களையும், பட்டியல் சாதியினரையும் குற்றவாளிகள், திருடர்கள் எனக் கொச்சைப்படுத்தியுள்ளார். இந்தியா முழுவதும் வசிக்கக்கூடிய கோடிக்கணக்கான பட்டியலின மக்களையும் இழிவுபடுத்தும் விதமாகவும், சமூகப் பதற்றத்தை உருவாக்கும் விதமாகவும் பேசியுள்ளார்.

நடிகை மீரா மிதுன், அவரது நண்பர் ஷாம் அபிஷேக் இருவர் மீதும் தீண்டாமை வன்கொடுமை தடுப்புச் சட்டத்தின் கீழ் வழக்குப் பதிந்து கைது செய்ய நடவடிக்கை எடுக்க வேண்டும். இதன் மூலம், சமூக வலைதளங்களில் இதுபோல் சாதிய வன்மப் பேச்சுகள் நிகழாதவாறு தடுக்க வேண்டும் என்று அவர்கள் அதில் தெரிவித்துள்ளனர்.