ஹைலைட்ஸ்:

  • ஆப்கானிஸ்தான் பெண்களை நினைத்து கவலையில் நடிகை அர்ஷி கான்
  • ஆப்கானிஸ்தானில் பிறந்தவர் அர்ஷி கான்

ஆப்கானிஸ்தானின் தலைநகரமான காபூலை தாலிபான்கள் தங்கள் கட்டுப்பாட்டுக்குள் கொண்டு வந்துவிட்டனர். காபூல் விமான நிலையத்தில் எடுக்கப்பட்ட வீடியோக்களை பார்த்து உலக மக்கள் அதிர்ச்சியும், கவலையும் அடைந்துள்ளனர்.

தாலிபான்களின் பிடியில் இருக்கும் ஆப்கானிஸ்தானில் இனி பெண்கள், சிறுமிகளின் நிலை என்னவாகும் என்பதே பலரின் கவலையாக இருக்கிறது.

இந்நிலையில் நடிகையும், மாடலும், முன்னாள் பிக் பாஸ் போட்டியாளருமான அர்ஷி கானுக்கு வேறு கவலை.
இந்திய படங்களில் கவனம் செலுத்தி வரும் அர்ஷி கான் ஆப்கானிஸ்தானில் பிறந்தவர். இது குறித்து அர்ஷி கூறியிருப்பதாவது,

நான் ஆப்கானிஸ்தானில் பிறந்தேன். பின்னர் என் குடும்பத்துடன் இந்தியாவுக்கு வந்துவிட்டோம். தாலிபான்கள் ஆட்சிக்கு வந்திருப்பதால் ஆப்கானிஸ்தானில் இருக்கும் பெண்களை நினைத்து எனக்கு கவலையாக இருக்கிறது.

அங்கிருக்கும் நிலையை நினைக்கும்போது பயமாக இருக்கிறது. நானும் ஆப்கானிஸ்தானில் பிறந்தவள் என்பதை நினைக்கும்போது பயத்தில் கத்த தோன்றுகிறது. என்னால் சரியாக சாப்பிட முடியவில்லை. ஆப்கானிஸ்தான் மக்களுக்கு உதவி செய்யுமாறு கடவுளிடம் பிரார்த்தனை செய்து கொண்டிருக்கிறோம்.

என் உறவினர்கள், நண்பர்கள் இன்னும் ஆப்கானிஸ்தானில் தான் இருக்கிறார்கள். இது ஒரு மோசமான நேரம். ஏதாவது அதிசயம் நடக்க வேண்டும் என்று காத்துக் கொண்டிருக்கிறோம் என்றார்.

ஆப்கானிஸ்தானில் யார் ஆட்சியில் இருந்தாலும் இழப்பு என்னவோ பெண்களுக்கு தான். இந்நிலையில் தாலிபான்களிடம் சிக்கி அவர்கள் என்ன பாடுபடப் போகிறார்களோ. அந்த பெண்களை, சிறுமிகளை காப்பாற்ற யாருமே இல்லையா என்று உலக மக்கள் சமூக வலைதளங்களில் தெரிவித்துள்ளனர்.

ஆண்டவர் வீட்டில் விசேஷம்: ஒன்று கூடிய குடும்பம், வருத்தத்தில் ஸ்ருதி ஹாசன்