ஹைலைட்ஸ்:

  • ஒத்த செருப்பு சைஸ் 7 திரைப்படம் இந்தி, ஆங்கில மொழிக்கு செல்ல உள்ளது.
  • இரு மொழிகளிலும் புலமையுள்ள பர்சனல் அசிஸ்டெண்ட் வேண்டுமென கேட்ட பார்த்திபன்.
  • 3 தினங்களுக்குள் வரும் விண்ணப்பங்களில் ஒன்று தேர்வு செய்யப்படும் என அறிவிப்பு.

இயக்குனரும், நடிகருமான பார்த்திபனுக்கு தேசிய விருதை பெற்று தந்த ஒத்த செருப்பு சைஸ் 7 திரைப்படத்தை விரைவில் இந்தி மற்றும் ஆங்கிலத்தில் தயாரிக்க உள்ளதாக தனது ட்விட்டர் பக்கத்தில் தெரிவித்துள்ளார் பார்த்திபன். மேலும் இந்த இரண்டு மொழிகள் புலமையும், சினிமாவில் ஆர்வமும் உள்ளவர்கள் தேவை என்றும் அந்த பதிவில் குறிப்பிட்டுள்ளார்.

இயக்குநர் பார்த்திபன் எழுதி, இயக்கி, ஒரே ஆளாக நடித்திருந்த திரைப்படம் ஒத்தசெருப்பு சைஸ் 7. கடந்த 2019-ம் ஆண்டு செப்டம்பர் மாதம் வெளியான இந்த திரைப்படம், பார்த்திபனின் வித்தியாசமான முயற்சியால் ரசிகர்களிடம் வரவேற்பை பெற்றது. இந்த படத்தின் பின்னணி இசையை இசையமைப்பாளர் சி. சத்யாவும் ஒரு பாடலை சந்தோஷ் நாராயணனும் இசையமைத்திருந்தனர். இந்தப் படத்தை பார்த்திபன் தனது சொந்த தயாரிப்பு நிறுவனமான, பயோஸ்கோப் பிலிம் ப்ரேமர்ஸ் மூலம் தயாரித்திருந்தார்.

இந்நிலையில் ஒத்த செருப்பு திரைப்படத்தை ஆங்கிலம் மற்றும் இந்தியில் உருவாக்க முயற்சி செய்து வருவதாக பார்த்திபன் தனது ட்விட்டர் பக்கத்தில் தெரிவித்துள்ளார். அதில், என் தமிழ் அழகு. என்னை கூடுதல் அழகாக்குவதும் தமிழ் தட்டுத்தடுமாறி ஆங்கிலமும், தப்பித்தவறி மற்ற மொழிகளும் பேச முயன்றதுண்டு. ஹிந்தி முஜே நஹி மாலும் ஹே! But ‘ஒத்த செருப்பு’ ஹிந்தியும் விரைவில் ஆங்கிலமும் பேச இருப்பதால், இரு மொழிகளிலும் அறிவும் ஆற்றலும் நிறைந்த ஒரு Personal Assistant (பால் பாகுபாடில்லை) தேவைப்படுகிறார். ஈடுபாட்டுடன் பணிப்புரிய விரும்புபவர்கள் தொடர்பு கொள்ளலாம் என தனது மின்னஞ்சல் முகவரியை அதில் குறிப்பிட்டுள்ளார்.

80 வயதில் என் ஞான தந்தையை இழந்திருக்கிறேன்: எழுத்தாளர் கி.ரா மறைவு குறித்து சிவக்குமார் உருக்கம்!
பார்த்திபனின் இந்த அறிவிப்பை அடுத்து பலரும் அவரை தொடர்பு கொண்ட நிலையில் மீண்டும் தனது ட்விட்டர் பக்கத்தில் பதிவு ஒன்றை பகிர்ந்துள்ளார். அதில் P A வேணும்னு கேட்டால், rupeeயே வேணாம்,வேலை செய்றேன்னு நிறைய விண்ணப்பங்கள். அன்புக்கு நன்றி. வந்தவை அனைத்தும் சிறப்பாயினும் ஒன்றை தேர்ந்தெடுப்பது என் இயலாமை. மன்னிக்க. இன்னும் 3 தினங்களுக்குள் வரும் விண்ணப்பங்களில் தேர்வு செய்யப்படும். நன்றி’ என்று குறிப்பிட்டுள்ளார்.

மேலும், 67-வது தேசிய திரைப்பட விருதுகள் அறிவிப்பு விழாவில் ஒத்த செருப்பு சைஸ் 7 திரைப்படம் ஸ்பெஷல் ஜூரி விருதையும், சிறந்த ஒலிப்பதிவுக்கான விருதை ரசூல் பூக்குட்டிக்கும் கிடைத்துள்ளது குறிப்பிடத்தக்கது.