ஹைலைட்ஸ்:

  • மனைவிக்கு இறுதிச் சடங்கு செய்த அருண்ராஜா காமராஜ்
  • மருத்துவமனையில் இருந்து பிபிஇ சூட்டில் வந்த அருண்ராஜா
  • சிந்துஜாவின் உடல் தகனம்

இயக்குநரும், நடிகரும், பாடலாசிரியருமான அருண்ராஜா காமராஜுக்கும், அவரின் காதல் மனைவி சிந்துஜாவுக்கும் கொரோனா வைரஸ் பாதிப்பு ஏற்பட்டது. இந்நிலையில் சிந்துஜா சிகிச்சை பலனின்றி நேற்று இரவு உயிரிழந்தார். அவருக்கு வயது 38.

கனா இயக்குநர் அருண்ராஜா காமராஜின் மனைவி கொரோனாவால் மரணம்சிந்துஜாவின் உடல் கண்ணம்மாபேட்டையில் இருக்கும் மின்மயானத்தில் தகனம் செய்யப்பட்டது. மனைவிக்கு இறுதிச் சடங்கு செய்ய மருத்துவமனையில் இருந்து பிபிஇ சூட்டில் மின் மயானத்திற்கு வந்தார் அருண்ராஜா காமராஜ்.

அவர் பிபிஇ சூட்டில் வந்திறங்கியபோது எடுக்கப்பட்ட புகைப்படங்கள் சமூக வலைதளங்களில் வெளியாகியுள்ளது. அந்த புகைப்படங்களை பார்த்த ரசிகர்கள் துக்கம் தாங்க முடியாமல் அழுகிறார்கள். சிந்துஜாவை இழந்து அவரின் குடும்பத்தார் ஒரு பக்கம் கதற, மறுபக்கம் அருண்ராஜா பிபிஇ சூட்டில் நிற்க அந்த இடமே சோகமாக மாறியது.

அய்யோ, காலையிலேயே இப்படி தலையில் இடி இறங்கிடுச்சே: சிவகார்த்திகேயன் ரசிகர்கள் கண்ணீர்

சிந்துஜாவின் இறுதிச் சடங்கில் நடிகர்கள் சிவகார்த்திகேயன், உதயநிதி ஸ்டாலின் ஆகியோர் கலந்து கொண்டார்கள். அருண்ராஜா காமராஜின் நெருங்கிய நண்பர் சிவகார்த்திகேயன். அருண்ராஜா இயக்கி வந்த ஆர்ட்டிகிள் 15 பட ரீமேக்கின் ஹீரோ உதயநிதி ஸ்டாலின் ஆவார்.
இதற்கிடையே அருண்ராஜா காமராஜ் விரைவில் குணமடைந்து வீடு திரும்ப ரசிகர்கள் பிரார்த்தனை செய்து கொண்டிருக்கிறார்கள்.

சிந்துஜாவுக்கு பழக்கமான சின்னத்திரை மற்றும் பெரியதிரையை சேர்ந்தவர்களோ, அவர் இறந்துவிட்டார் என்பதை நம்பவே முடியவில்லை என்கிறார்கள். எப்பொழுதும் சிரித்த முகமாக இருந்த சிந்துஜாவுக்கு இப்படி ஒரு முடிவு வந்திருக்கக் கூடாது என்கிறார்கள்.

மேலும் சிந்துஜாவுடன் சேர்ந்து எடுத்துக் கொண்ட புகைப்படங்களை சமூக வலைதளங்களில் வெளியிட்டுள்ளனர்.