விஷால் நடிப்பில் கடந்த பிப்ரவரி 19 ஆம் தேதி வெளியான படம் ‘சக்ரா’. இப்படம் வெளியீட்டின் போது டிரைடெண்ட் ஆர்ட்ஸ் மற்றும் லைகா புரொடக்‌ஷன் நிறுவனங்கள் படத்தின் வெளியீட்டுக்கு தடை விதிக்க கோரி வழக்கு தொடர்ந்தது. வழக்கை விசாரித்த நீதிமன்றம் படம் வெளியீட்டுக்கு தடை விதிக்கவில்லை. இந்நிலையில் இந்த வழக்கில் தற்போது அதிரடி தீர்ப்பை வெளியிட்டுள்ளது நீதிமன்றம்.

சக்ரா படத்தினை வெளியிட இடைக்கால தடை விதிக்க வேண்டும் என்று டிரைடெண்ட் ஆர்ட்ஸ் மற்றும் லைகா புரொடக்‌ஷன் நிறுவனங்கள் தொடர்ந்த வழக்கில், இடைக்கால தடை விதிக்க மறுத்த நீதிமன்றம், சக்ரா படம் தொடர்பான இரண்டு வார வசூல் விவரங்கள் மற்றும் இணையத்தில் வெளியிடும் ஒப்பந்தம் ஆகியனவற்றை நீதிமன்றத்தில் தாக்கல் செய்யவேண்டும் என்று உத்தரவிட்டது. அதன் பிறகு இந்த வழக்கு தொடர்பாக எந்த தகவலும் வெளியாகவில்லை.

இந்நிலையில், லைகா நிறுவனத்தால் விஷால் மற்றும் சக்ரா படத்திற்கு எதிராக தாக்கல் செய்யப்பட்ட வழக்கு தள்ளுபடி செய்யப்பட்டுள்ளது. மேலும், பொய்யான வழக்கை முன்வைத்து விஷாலை துன்புறுத்தியதற்காக லைகா நிறுவனத்திற்கு ரூ.5 லட்சம் அபராதம் விதிக்கவும் நீதிபதி உத்தரவிட்டுள்ளார்.

அரண்மனை நகரம் விரைந்த ‘பொன்னியின் செல்வன்’ படக்குழுவினர்: அடுத்தக்கட்ட படப்பிடிப்பு துவக்கம்!
இந்த தீர்ப்பு நடிகர் விஷால் தனது ட்விட்டர் பக்கத்தில், நீதி வெல்லும். உண்மை வெல்லும் என்பதை நான் எப்போதும் நம்புகிறேன். லைகா நிறுவனம் எனக்கு எதிராகவும் ‘சக்ரா’ படத்திற்கு எதிராகவும் தாக்கல் செய்த வழக்கு, பொய் வழக்கு என இன்று சென்னை உயர்நீதிமன்ற நீதிபதிகளால் தள்ளுபடி செய்யப்பட்டுள்ளது. மேலும் ஒரு பொய்யான வழக்கை முன் வைத்து என் மீது குற்றம் சாட்டியதற்காக லைகா நிறுவனத்திற்கு ரூபாய் 5 லட்சம் அபராதம் விதித்து நீதிமன்றம் உத்தரவிட்டுள்ளது என தன்னுடைய பதிவில் குறிப்பிட்டுள்ளார் விஷால்.