ஹைலைட்ஸ்:

  • பைக் விபத்தில் சிக்கிய நடிகர் சஞ்சாரி விஜய்
  • சஞ்சாரி விஜய்யின் நிலைமை மிகவும் கவலைக்கிடம்
  • கோமாவில் இருக்கும் சஞ்சாரி விஜய்

கடந்த 2015ம் ஆண்டு வெளியான நான் அவனள்ள அவளு படத்தில் திருநங்கையாக சிறப்பான நடிப்பை வெளிப்படுத்தியதற்காக சிறந்த நடிகருக்கான தேசிய விருதை பெற்றவர் கன்னட நடிகர் சஞ்சாரி விஜய். சஞ்சாரி என்கிற நாடக் குழுவில் தன் கெரியரை துவங்கி படங்களில் நடிக்க வந்தார்.

38 வயதாகும் விஜய் சனிக்கிழமை இரவு 11.45 மணி அளவில் தன் நண்பர் நவீனுடன்(42) பைக்கில் மருந்து வாங்க கடைக்கு சென்றிருக்கிறார். நவீன் வீட்டில் சாப்பிட்டுவிட்டு பின்னர் மருந்து வாங்க சென்றுள்ளனர்.

பெங்களூரு ஜே.பி. நகர் பகுதியில் சென்றபோது நவீன் ஓட்டிச் சென்ற பைக் ஸ்கிட் ஆகியிருக்கிறது. அப்பொழுது அந்த பகுதியில் இருந்த மின் கம்பத்தின் மீது மோதி பைக் நின்றது.

நவீன் வீட்டிற்கு அருகே நடந்த இந்த விபத்தில் விஜய் படுகாயம் அடைந்தார். நவீனும் காயம் அடைந்தார். இதையடுத்து விஜய் மற்றும் நவீனை அருகில் உள்ள தனியார் மருத்துவமனையில் அனுமதித்தார்கள். நவீனுக்கு கால் எலும்பு முறிவுக்காக அறுவை சிகிச்சை செய்யப்பட்டது.

விஜய்க்கு கால் மற்றும் தலையில் ஏற்பட்ட காயங்களுக்காக அறுவை சிகிச்சை நடந்தது.

விஜய்க்கு சிகிச்சை அளித்து வரும் மருத்துவமனை கூறியதாவது,

அவருக்கு செயற்கை சுவாசம் பொருத்தப்பட்டிருக்கிறது. விஜய் தொடர்ந்து கோமாவில் இருக்கிறார். அவரின் நிலைமை மிகவும் கவலைக்கிடமாக இருக்கிறது என்றார்கள்.

மழை பெய்து சாலை ஈரமாக இருந்ததால் பைக் ஸ்கிட் ஆகிவிட்டதாக நவீன் தெரிவித்துள்ளார். விஜய் பற்றி கன்னட நடிகர் சதீஷ் கூறியதாவது,

லாக்டவுனால் பாதிக்கப்பட்டுள்ள ஏழை மக்களுக்கு இலவசமாக உணவு பொருட்களை வழங்கி வந்தார் விஜய். மேலும் மருந்துகளையும் கொடுத்து வந்தார் என்றார்.

இந்த விபத்து குறித்து போலீசார் வழக்குப்பதிவு செய்துள்ளனர்.

ஆசையை சொன்ன சிவகார்த்திகேயன்: வருத்தப்பட்ட ரசிகர்கள்