ஹைலைட்ஸ்:

  • மனோஜ் பாஜ்பாயின் மனைவி தான் சபானா என்கிற நேஹா
  • பிரபுதேவாவின் அள்ளி தந்த வானம் படத்தில் நடித்த நேஹா
  • மனோஜ் பாஜ்பாய் நடிப்பில் 4ம் தேதி வெளியான தி ஃபேமிலி மேன் 2

ராஜ் மற்றும் டிகே இயக்கியிருக்கும் தி ஃபேமிலி மேன் 2 தொடர் கடந்த 4ம் தேதி அமேசான் பிரைமில் வெளியாகியுள்ளது. அந்த தொடரில் ஸ்ரீகாந்த் திவாரியாக பிரபல பாலிவுட் நடிகர் மனோஜ் பாஜ்பாய் நடித்துள்ளார். அவரின் நடிப்பை பார்த்த ரசிகர்கள் பாராட்டிக் கொண்டிருக்கிறார்கள்.

தி ஃபேமிலி மேன் 2 தொடரில் தமிழர்களை தீவிரவாதிகள் போன்று சித்தரித்துள்ளதாகக் கூறி எதிர்ப்பு கிளம்பியிருக்கிறது. இருப்பினும் பலரும் அந்த தொடரை பார்த்து ரசித்துள்ளனர்.

அடேங்கப்பா, தி ஃபேமிலி மேன் 2 தொடரில் நடிக்க சமந்தாவுக்கு இத்தனை கோடியா?!

அந்த தொடரில் நடிக்க மனோஜ் பாஜ்பாய்க்கு ரூ. 10 கோடி சம்பளமாம். இந்நிலையில் மனோஜ் பாஜ்பாயின் மனைவி பற்றி தான் அனைவரும் பேசிக் கொண்டிருக்கிறார்கள். மனோஜின் மனைவி ஒரு காலத்தில் பிரபல நடிகையாக இருந்தவர்.

விது வினோத் சோப்ரா இயக்கத்தில் கடந்த 1998ம் ஆண்டு வெளியான கரீப் படம் மூலம் நடிகையானவர் சபானா ராசா. படத்திற்காக தன் பெயரை நேஹா என்று மாற்றிக் கொண்டார். அஜய் தேவ்கனின் ப்யார் கி ஜீத், ரித்திக் ரோஷனின் ஃபைசா உள்ளிட்ட இந்தி படங்களில் நடித்துள்ளார். பிரபுதேவாவின் அள்ளி தந்த வானம் மூலம் கோலிவுட்டில் அறிமுகமானார் நேஹா. அந்த படத்தில் வந்த வாடி வாடி நாட்டுக்கட்ட பாடல் சூப்பர் டூப்பர் ஹிட்டானது.

ஸ்மைல் என்கிற கன்னட படத்திலும் நடித்திருக்கிறார். அவர் நடிப்பில் கடைசியாக வெளியான படம் ஆசிட் ஃபேக்டரி.

neha bajpai

மனோஜ் பாஜ்பாயை திருமணம் செய்து கொண்ட பிறகு இரண்டு படங்களில் நடித்தார். மனோஜ், நேஹா தம்பதிக்கு ஒரு மகள் இருக்கிறார்.

கெரியர் பற்றி நேஹா கடந்த 2008ம் ஆண்டு கூறியதாவது,

எனக்கு நடிப்பு மிகவும் பிடிக்கும். ஆனால் வாய்ப்பு தேடி தயாரிப்பாளர்களின் வீடுகளுக்கு செல்ல முடியாது. அது தான் எனக்கு பின்னடைவு என்று நினைக்கிறேன். சரியான கதாபாத்திரங்கள் கிடைக்காமல் போன பிறகு, நடிப்பை நிறுத்திக் கொண்டேன். திருமதி மனோஜ் பாஜ்பாயாக இருப்பதில் சந்தோஷமாக இருக்கிறது என்றார்.