ஹைலைட்ஸ்:

  • ஊடகங்கள் மீது அவதூறு வழக்கு தொடர்ந்த நடிகை ஷில்பா ஷெட்டி
  • ஊடகங்களிடம் இருந்து ரூ. 25 கோடி கேட்கும் ஷில்பா ஷெட்டி

பிரபல பாலிவுட் நடிகை ஷில்பா ஷெட்டியின் கணவர் ராஜ் குந்த்ரா ஆபாச படங்களை தயாரித்து, வெளியிட்ட வழக்கில் அவரை மும்பை போலீசார் கைது செய்தனர். ராஜ் குந்த்ரா தற்போது நீதிமன்ற காவலில் இருக்கிறார்.

ராஜ் குந்த்ராவின் விவகாரத்தில் ஷில்பாவுக்கு தொடர்பு இருப்பதாக செய்திகள் வெளியானது. இந்நிலையில் சில ஊடகங்கள் மீது மும்பை உயர் நீதிமன்றத்தில் அவதூறு வழக்கு தொடர்ந்திருக்கிறார் ஷில்பா ஷெட்டி.

அவர் தன் மனுவில் கூறியிருப்பதாவது,

என் பெயரை கெடுக்கும் வகையில் பொய்யான செய்திகள் வெளியாகியுள்ளன. என்னை பற்றி தவறான செய்தி வெளியிட்ட சில ஊடகங்கள் நிபந்தனையற்ற மன்னிப்பு கேட்க வேண்டும். மேலும் என்னை பற்றிய தவறான செய்திகளை அகற்றுவதுடன் ரூ. 25 கோடி நஷ்டஈடு அளிக்க வேண்டும்.

அந்த குற்றம் மற்றும் விசாரணையில் எனக்கு தொடர்பு இருப்பதாக வெளியான செய்திகளால் என் பெயர், கேரக்டர் பாதிக்கப்பட்டிருக்கிறது. என்னை ஒரு கிரிமினல் போன்று சித்தரித்துள்ளனர். கிரிமினல் விசாரணையால் தன் கணவரை ஒதுக்கிவிட்ட பெண்ணாக காட்டியிருக்கிறார்கள்.

என்னை பற்றிய அவதூறு செய்திகள், வீடியோக்களால் மக்கள், ரசிகர்கள், விளம்பர நிறுவனங்கள், சக கலைஞர்கள் மத்தியில் என் பெயர் கெட்டுவிட்டது. அவதூறு செய்திகளால் என் குழந்தைகள், வயதான பெற்றோர் உள்ளிட்ட குடும்பத்தாரின் பெயரும் கெட்டுவிட்டது.

என்னை பற்றிய அவதூறு செய்திகளால் ஏற்பட்ட இழப்பை பணத்தால் சரி செய்ய முடியாது என்று அதில் அவர் தெரிவித்துள்ளார்.

மானம் போச்சு, வேலை போச்சு: கணவரை திட்டிய நடிகை, சமாதானம் செய்த போலீஸ்