ஹைலைட்ஸ்:

  • போலீசாரை திட்டித் தீர்த்த மீரா மிதுன்
  • புழல் சிறையில் அடைக்கப்பட்ட மீரா மிதுன்
  • மீரா மிதுனை கைது செய்து சிறையில் அடைப்படதற்குள் படாதபாடு பட்ட போலீஸ்

தமிழ் திரையுலகில் இருக்கும் பட்டியலின மக்கள் குற்றச் செயல்களில் ஈடுபடுகிறார்கள், தன் உழைப்பை காப்பியடிக்கிறார்கள் என்று அவர்களை தரக்குறைவாக பேசி வீடியோ வெளியிட்டார் மீரா மிதுன்.

இதையடுத்து அவர் மீது வழக்குப்பதிவு செய்த சென்னை சைபர் கிரைம் போலீசார் மீராவை விசாரணைக்கு வருமாறு சம்மன் அனுப்பினார்கள். இதற்கிடையே தலைமறைவான மீரா மிதுன் கேரளாவில் இருப்பது தெரிந்து போலீசார் அங்கு சென்று அவரை கைது செய்து சென்னைக்கு அழைத்து வந்தனர்.

போலீசாரை பார்த்ததும் மீரா மிதுன் அழுது, ஆர்ப்பாட்டம் செய்து முதல்வர் ஸ்டாலின், பிரதமர் மோடியிடம் எல்லாம் முறையிட்டு வீடியோ வெளியிட்டார்.

அவர் அத்துடன் நிற்கவில்லையாம். கேரளாவில் இருந்து சென்னை வரும் வழி நெடுகிலும் போலீசாரை ஒருமையில் பேசி, திட்டிக் கொண்டே வந்தாராம். மேலும் சென்னை கமிஷனர் அலுவலகத்திற்கு வந்தபோது, போலீசார் என் கையை உடைக்கப் பார்த்தாங்க, சாப்பாடு தரல, கொடுமைப்படுத்துறாங்க என்று கத்திக் கொண்டே சென்றார்.

விசாரணை நடந்த தளத்தில் மீரா மிதுன் கூச்சலிடும் சத்தமாக இருந்தது. விசாரணைக்கு அவர் ஒத்துழைக்கவில்லையாம்.

இதையடுத்து சைதாப்பேட்டை நீதிமன்றத்தில் மீரா மிதுனை ஆஜர்படுத்தினார்கள். அவரை ஆகஸ்ட் 27ம் தேதி நீதிமன்ற காவலில் வைக்குமாறு நீதிபதி உத்தரவிட்டார். இதையடுத்து மீராவை புழல் சிறையில் அடைத்துள்ளனர்.

மீரா மிதுனை கைது செய்து அழைத்து வந்து சிறையில் அடைப்பதற்குள் போலீசார் படாதபாடு பட்டுவிட்டார்களாம்.

கஞ்சா அடித்து சாய் பாபாவின் முகத்தில் புகையை விட்ட மீரா மிதுன்: வைரல் வீடியோ