BMB புரொடக்‌ஷன்ஸ் நிறுவனம் சார்பில் பல பிரம்மாண்டமான படங்களை இந்தி, தமிழ், தெலுங்கு மொழிகளில் தயாரித்தவர் கே.சி.பொக்காடியா. சென்னையை பூர்விகமாக கொண்ட இவர் நீண்ட இடைவெளிக்கு பின் தமிழில் பல படங்களை தயாரிக்க உள்ளதாக தெரிவித்துள்ளார்.

தயாரிப்பாளராக மட்டுமல்லாமல் இந்தியில் பல படங்களையும் இயக்கியவர் கே.சி.பொக்காடியா. இந்தியில் மட்டும் சுமார் 59 படங்கள் இவர் தயாரிப்பில் வெளியாகியுள்ளது. அதில் 11 படங்களில் அமிதாப்பச்சனும், 5படங்களில் ரஜினிகாந்தும்,18 படங்களில் சல்மான்கான்,ஷாருக்கான், அமீர்கான் உள்ளிட்ட மூன்று கான்களும் நடித்துள்ளனர். மேலும் 5படங்களில் அட்சயகுமாரும் மற்ற படங்களில் பிரபல நடிகர்கள் நடிகைகள் நடித்துள்ளனர்.

ரஜினிகாந்தை இந்தியில் அறிமுகப்படுத்தியரும் கே.சி.பொக்காடியா தான். தயாரிப்பில் மட்டுமல்லாமல் படங்களையும் இயக்கியுள்ளார். இவர் இயக்கத்தில் இந்தியில் மட்டும் 38 படங்களை வெளியாகியுள்ளன. கடந்த 25 ஆண்டுகளாகதென்னிந்திய மொழி இயக்குனர்கள் பலரை இந்தியில் அறிமுகப்படுத்தியுள்ளார். இந்நிலையில் இவர் தற்பொழுது தமிழிலும் தெலுங்கிலும் படம் தயாரிக்க திட்டமிட்டுள்ளார்.

பிறந்தநாளில் சிம்பு பட நடிகை செய்த காரியம்: ரசிகர்கள் நெகிழ்ச்சி!
இந்நிலையில் இவரின் B.M.B. புரொடக்ஷன்ஸ் நிறுவனத்தில் 25 ஆண்டுகளாக ஒரு அங்கமாக திகழும் தமிழ் தயாரிப்பாளர், நடிகர் தமிழ்மணியின் வீட்டிற்கு இன்று திடீரென்று நேரில் சென்றுள்ளார் கே.சி.பொக்காடியா. அவரிடம் தமிழில் மீண்டும் பல படங்களை தயாரிக்க உள்ளதாக உறுதியளித்துள்ளார் கே.சி.பொக்காடியா.