சிவகார்த்திகேயன் நடிப்பில் அண்மையில் வெளியான டாக்டர் படம் ரசிகர்களிடம் அமோக வரவேற்பினை பெற்றது. அதனை தொடர்ந்து தற்போது அறிமுக இயக்குனர் சிபி சக்கரவர்த்தி இயக்கும் ‘டான்‘ படத்தில் நடித்து முடித்துள்ளார். இந்தப்படத்தின் பர்ஸ்ட் லுக் போஸ்டர் வெளியாகி வரவேற்பை பெற்றது. இந்நிலையில் ‘டான்’ படத்தின் புகைப்படங்கள் இணையத்தில் வெளியாகி வைரலாகி வருகிறது.

கொரோனா இரண்டாம் அலை அச்சத்தால் நிறுத்தி வைக்கப்பட்ட சிவகார்த்திகேயனின் ‘டான்’ படப்பிடிப்பு கடந்த சில மாதங்களுக்கு முன்பாக சென்னையில் துவங்கியது. ஏற்கனவே கடந்த பிப்ரவரி மாதம் ‘டான்’ படத்திற்கான பூஜை போடப்பட்டு, முதற்கட்ட படப்பிடிப்பு நிறைவடைந்தது. அதனை தொடர்ந்து இறுதிக்கட்ட படப்பிடிப்பு அண்மையில் விறுவிறுப்பாக நடைபெற்றது.

இந்தப்படத்தை அட்லீயிடம் உதவி இயக்குனராக பணியாற்றிய சிபி சக்கரவர்த்தி இயக்குகிறார். இந்த படத்தில் சிவகார்த்திகேயன் மற்றும் சூரி ஆகிய இருவரும் கல்லூரி மாணவர்களாக நடிக்கின்றனர். பிரியங்கா அருள்மோகன் நாயகியாக நடிக்கும் இந்த படத்தில் புகழ், ஷிவாங்கி, எஸ்.ஜே.சூர்யா, காளி வெங்கட் உள்பட பலர் நடிக்கின்றனர். அனிருத் இசையமைக்கும் இந்த படத்தை லைகா நிறுவனத்துடன் இணைந்து சிவகார்த்திகேயன் புரொடேக்சன்ஸ் தயாரித்து வருகிறது.

சூர்யாவின் ‘ஜெய் பீம்’ படத்திற்கு விருதுகள் வழங்கக்கூடாது: பாமக வழக்கறிஞர் கோரிக்கை!
இந்நிலையில் அண்மையில் படத்தின் டப்பிங் பணிகள் துவங்கியுள்ளதாக லைகா நிறுவனம் அறிவித்தது. பூஜை போட்டு டப்பிங் பணிகளை படக்குழுவினர் துவங்கினர். அதனை தொடர்ந்து சிவகார்த்திகேயனும், சூரியும் டப்பிங் பணிகளை நிறைவு செய்ததாக அறிவித்தனர். அதன்பின்னர் கடந்த சில தினங்களுக்கு முன்பாக ‘டான்’ படத்தின் பர்ஸ்ட் லுக் போஸ்டரும் வெளியாகி ரசிகர்களிடம் வரவேற்பை பெற்றது.

இந்நிலையில் இந்தப்படத்தின் ஸ்டில்கள் சில இணையத்தில் வெளியாகியுள்ளது. இந்த புகைப்படங்கள் அனைத்தும் கல்லூரி பின்னணியிலே உள்ளதால், ‘டான்’ படம் கலர்புல் காலேஜ் படமாக உருவாகி இருக்கும் என ரசிகர்கள் எதிர்பார்க்கின்றனர். அதே போல் பிரியங்காவை துரத்தி துரத்தி காதல் செய்யும் ரெமோவாக இந்தப்படத்தில் சிவகார்த்திகேயன் நடித்துள்ளதை போன்றும் புகைப்படங்கள் வெளியாகியுள்ளன. இதனால் படம் மீது ரசிகர்கள் எக்கச்சக்க எதிர்பார்ப்பில் உள்ளனர்.

புனித் சார் இறப்பால் நான் இன்னும் ‘ஷாக்’ல தான் இருக்கேன்!