ஹைலைட்ஸ்:

  • மீரா மிதுன் மீது குண்டர் சட்டத்தின்கீழ் நடவடிக்கை?
  • புழல் சிறையில் இருக்கும் மீரா மிதுன்

தமிழ் திரையுலகில் இருக்கும் பட்டியலின மக்களை பற்றி மோசமாக பேசி வீடியோ வெளியிட்டார் மீரா மிதுன். மேலும் தன்னை கைது செய்ய முடியாது என்றும், அது கனவில் தான் நடக்கும் என்றும் மற்றுமொரு வீடியோ வெளியிட்டார்.

இந்நிலையில் பட்டியலின மக்களை தரக்குறைவாக பேசியது தொடர்பாக மீரா மிதுன் மீது 7 பிரிவுகளின்கீழ் வழக்குப்பதிவு செய்யப்பட்டது. இதற்கிடையே கேரளாவில் தலைமறைவானார் மீரா மிதுன். அவர் பதுங்கியிருந்த இடத்தை கண்டுபிடித்து கைது செய்தனர்.

போலீசாரை பார்த்த மீரா மிதுன் கத்திக் கதறி ஆர்ப்பாட்டம் செய்து வீடியோ வெளியிட்டார். மேலும் சென்னைக்கு அழைத்து வந்த பிறகும் விசாரணைக்கு ஒத்துழைப்பு கொடுக்காமல் கத்திக் கொண்டே இருந்தார்.

நீதிமன்றத்தில் ஆஜர்படுத்தப்பட்ட மீரா மிதுனை ஆகஸ்ட் 27ம் தேதி வரை நீதிமன்றக் காவலில் வைக்க உத்தரவிடப்பட்டது. இதையடுத்து புழல் சிறையில் அடைக்கப்பட்டார்.

இந்நிலையில் மீரா மிதுனும், அவரின் நெருங்கிய நண்பரான அபிஷேக்கும் தடை செய்யப்பட்ட போதை பொருட்களை பயன்படுத்தியது தெரிய வந்திருக்கிறது. இது தொடர்பாக மீராவிடம் விசாரணை நடத்த போலீசார் முடிவு செய்துள்ளனர்.

கொலை மிரட்டல், மோசடி என்று மீரா மிதுன் மீது ஏற்கனவே 4 வழக்குகள் இருக்கிறது. இந்நிலையில் மீரா மிதுன் மீது குண்டர் சட்டம் பாயக்கூடும் என்று போலீஸ் வட்டாரத்தில் தெரிவிக்கப்பட்டுள்ளது.

நாடகமாடும் மீரா மிதுன்?: போலீசார் அதிரடி நடவடிக்கை