ஹைலைட்ஸ்:

  • இயக்குநர்களுக்கு 2 நிபந்தனைகள் விதிக்கும் சிவகார்த்திகேயன்
  • சிபி சக்ரவர்த்தி இயக்கத்தில் டான் படத்தில் நடிக்கும் சிவகார்த்திகேயன்
  • கொரோனா பிரச்சனையால் டான் படப்பிடிப்பு பாதிப்பு

சின்னத்திரையில் இருந்து பெரிய திரைக்கு வந்து அசுர வளர்ச்சி அடைந்தவர் சிவகார்த்திகேயன். தயாரிப்பாளர், பாடகர், பாடலாசிரியர் என்று புதுப்புது அவதாரங்கள் எடுத்திருக்கிறார். சிவகார்த்திகேயன் படங்களை பார்க்க குட்டீஸ் அதிக ஆர்வம் காட்டுகிறார்கள்.

சிவகார்த்திகேயனின் படம் தியேட்டர்களில் ரிலீஸாகிறது என்றால் ரசிகர்கள் குடும்பத்துடன் சென்று பார்த்து ரசிக்கிறார்கள். இப்படி தனக்கு குடும்ப ஆடியன்ஸ் அதிகம் இருப்பதால் சிவகார்த்திகேயன் அதிரடி முடிவு ஒன்றை எடுத்திருக்கிறாராம்.

அதாவது தன்னிடம் கதை சொல்ல வரும் இயக்குநர்களிடம், பாருங்க சார் என் படத்தை பார்க்க குடும்பமாக வருகிறார்கள், அதனால் மது அருந்துவது, சிகரெட் பிடிப்பது போன்ற காட்சிகள் கண்டிப்பாக இருக்கவே கூடாது. அப்படிப்பட்ட காட்சிகள் இருந்தால் அது தவறான முன்னுதாரணமாகிவிடும். எனவே, அந்த இரண்டு காட்சிகளும் இல்லாதபடி பார்த்துக் கொள்ளுங்கள் என்கிறாராம்.

சிவகார்த்திகேயன் தற்போது புதுமுகம் சிபி சக்ரவர்த்தி இயக்கத்தில் டான் படத்தில் நடித்து வருகிறார். அந்த படத்தில் நடிப்பதுடன், லைகா நிறுவனத்துடன் சேர்ந்து தயாரிக்கவும் செய்கிறார். டாக்டர் படத்தில் சிவகார்த்திகேயனுக்கு ஜோடியாக நடித்த ப்ரியங்கா அருள்மோகன் தான் டான் படத்தின் ஹீரோயின்.

டான் படம் மூலம் குக் வித் கோமாளி புகழ் சிவாங்கி கோலிவுட்டில் அறிமுகமாகிறார். சிவகார்த்திகேயன் நடித்திக்கும் டாக்டர், அயலான் ஆகிய படங்கள் ரிலீஸுக்கு தயாராக இருக்கின்றன. டாக்டர் படத்தை கடந்த மார்ச் மாதம் 26ம் தேதி வெளியிட முடிவு செய்தார்கள். பின்னர் தமிழக சட்டசபை தேர்தல் நேரமாக இருக்கிறது என்று ரம்ஜான் பண்டிகைக்கு ஒத்தி வைத்தார்கள். ஆனால் அதற்குள் கொரோனாவின் இரண்டாம் அலை தீவிரமடைந்துவிட்டதால் ரிலீஸை மீண்டும் ஒத்தி வைத்துள்ளனர்.

இதற்கிடையே சிவகார்த்திகேயனின் தந்தை கொலை செய்யப்பட்டார் என்று பாஜக நிர்வாகி ஹெச். ராஜா தெரிவித்ததால் பெரும் பரபரப்பு ஏற்பட்டது. சிவகார்த்திகேயனின் தந்தை பெயர் ஜி. தாஸ். ஆனால் ராஜவோ அவரின் பெயர் ஜெயபிரகாஷ் என்றார். அதற்கு சிவகாரத்திகேயன் எதுவும் சொல்லவில்லை.

ஒரு செக் மூலம் ஹெச். ராஜாவுக்கு ‘செக்’ வைத்த சிவகார்த்திகேயன்இந்த சம்பவம் நடந்த பிறகு சிவகார்த்திகேயன் நடிகர் சங்கத்திற்கு ரூ. 1 லட்சம் நன்கொடை வழங்கினார். அந்த காசோலையில் ஜி. தாஸ் அறக்கட்டளை என்று குறிப்பிடப்பட்டிருந்தது. தன் தந்தையின் பெயரில் இருக்கும் அறக்கட்டளை மூலம் நிதி அளித்து ராஜாவுக்கு பதில் அளித்துவிட்டார் சிவகார்த்திகேயன் என்றார்கள் ரசிகர்கள்.

இந்நிலையில் தான் சிவகார்த்திகேயன் தந்தை பற்றி தவறாக பேசிவிட்டதாகக் கூறி வருத்தம் தெரிவித்தார் ராஜா.
கழுத்தை நெரிக்கும் கடன்: சன் டிவியுடன் 5 பட டீலில் கையெழுத்திட்ட சிவகார்த்திகேயன்