ஹைலைட்ஸ்:

  • தமிழகத்தில் அதிகரித்து வரும் கொரோனா.
  • திரையுலக பிரபலங்களை குறி வைக்கும் கொரோனா.
  • நடிகை சுனைனாவுக்கு கொரோனா உறுதி செய்யப்பட்டுள்ளது.

கொரோனா இரண்டாம் அலையின் தாக்கம் நாளுக்குநாள் அதிகரித்து வருகிறது. தமிழகம் உள்பட இந்தியா முழுவதும் கொரோனாவால் பலியாகும் நபர்களின் எண்ணிக்கை அதிகரித்து வருகிறது. நாள் ஒன்றுக்கு ஏறக்குறைய இந்தியாவில் சுமார் 4 லட்சம் நபர்களும், தமிழகத்தில் சுமார் 25 ஆயிரம் நபர்களும் கொரோனாவால் பாதிக்கப்பட்டு வருகின்றனர் . இந்நிலையில் நடிகை சுனைனா தனக்கு கொரோனா உறுதி செய்யப்பட்டதை தொடர்ந்து தனது ட்விட்டர் பக்கத்தில் பதிவு ஒன்றை பகிர்ந்துள்ளார்.

அவருடைய ட்விட்டர் பதிவில், “அனைவருக்கும் வணக்கம். அதிக ஜாக்கிரதையாக இருந்தும் எனக்கு கோவிட்-19 தொற்று ஏற்பட்டுள்ளது. வீட்டில் என்னைத் தனிமைப்படுத்திக் கொண்டேன். அத்தனை விதிமுறைகளையும் பின்பற்றி வருகிறேன்.

என் குடும்பத்தினர் தவிர யாருடனும் நான் தொடர்பில் இல்லை. அவர்கள் அனைவரும் தனிமையில் உள்ளனர். எனது சமூக வலைதளப் பக்கங்களை மொத்தமாக ஒதுக்கிவைத்துவிட்டு ஓய்வெடுக்க வேண்டும் என்கிற விருப்பம் இருந்தாலும், தேவை இருப்பவர்களுக்கு சிறிய அளவிலோ, பெரிய அளவிலோ உதவியாக இருக்கும் விஷயங்களைப் பகிரும் வாய்ப்பை நான் இழக்க விரும்பவில்லை.

ட்விட்டரை தொடர்ந்து இன்ஸ்டாகிராம் நிறுவனத்திடமும் வாங்கி கட்டி கொண்ட நடிகை கங்கனா ரனாவத்!
தயவுசெய்து முகக் கவசம் அணியுங்கள், வீட்டிலேயே இருங்கள், உயிர்களைக் காப்பாற்றுங்கள். நான் அனைவருக்காகவும் பிரார்த்தனை செய்கிறேன்” என குறிப்பிட்டுள்ளார் சுனைனா. தனிமையில் இருந்தாலும் கொரோனா நோயாளிகள் சம்பந்தமாக யாராவது உதவி கேட்டால், அதனை தனது வலைத்தள பக்கத்தில் ஷேர் செய்து வருகிறார் நடிகை சுனைனா.

கடந்த சில நாட்களாக கொரோனாவால் பாதிக்கப்பட்ட திரையுலக பிரபலங்கள் மரணமடைவது திரைத்துறையினர் மத்தியில் அதிர்ச்சியையும், சோகத்தையும் ஏற்படுத்தியுள்ளது. அண்மையில் கொரோனாவிற்கு இயக்குனர்கள் கே.வி.ஆனந்த்யும், தாமிராவும் காலமானார்கள். நேற்றைய தினம் கொரோனா தொற்றுக்கு சிகிச்சை பெற்று வந்த பிரபல தெலுங்கு நடிகர் டி நரசிம்மராவ் என்பவர் சிகிச்சை பலனின்றி மரணமடைந்தது குறிப்பிடத்தக்கது.