வெங்கட்பிரபு இயக்கத்தில் சிம்பு நடித்துள்ள ‘மாநாடு’ படத்தைத் தயாரித்துள்ளார் சுரேஷ் காமாட்சி. இந்தப் படத்தின் ஒட்டுமொத்தப் படப்பிடிப்பும் நிறைவடைந்து, தீபாவளிக்கு வெளியாக உள்ளது. இதனை தொடர்ந்து ராம் இயக்கத்தில் நிவின் பாலி நடிக்கவுள்ள புதிய படத்தை தயாரிக்கவுள்ளார் சுரேஷ் காமாட்சி. இந்நிலையில் இந்தப்படத்தின் படப்பிடிப்பு பூஜையுடன் இன்று துவங்கியுள்ளது.

ராம் இயக்கத்தில், கடைசியாக மம்மூட்டி, அஞ்சலி, சாதனா ஆகியோர் நடிப்பில் பேரன்பு படம் வெளியானது. பல்வேறு சர்வதேச விருது விழாக்களில் கலந்து கொண்டு இந்த படம், விமர்சனரீதியாகவும் அனைவரிடமும் வரவேற்பை பெற்றது. பேரன்பு இந்தப் படத்துக்குப் பிறகு படம் எதுவும் இயக்காமல் நடிப்பில் கவனம் செலுத்தினார் ராம். கடைசியாக மிஷ்கின் இயக்கத்தில் ‘சைக்கோ’ படத்தில் போலீஸ் அதிகாரி வேடத்தில் நடித்திருந்தார் ராம்.

இந்நிலையில் தனது அடுத்த படத்தின் வேளைகளில் இறங்கியுள்ளார் இயக்குனர் ராம். சுரேஷ் காமாட்சி தயாரிக்கும் இந்த படத்தில் நிவின் பாலி, அஞ்சலி, சூரி உள்ளிட்டோர் முக்கிய கதாபாத்திரத்தில் நடிக்கின்றனர். தமிழ், மலையாளம் என இரண்டு மொழிகளில் இந்தப்படம் உருவாக உள்ளது. ராமின் முந்தைய படங்களை போல இந்த படத்திற்கும் யுவன் ஷங்கர் ராஜா இசையமைக்கிறார்.

ஹனிமூனுக்கு போன இடத்தில் நீச்சலுடையில் ஆட்டம்: வைரலாகும் வித்யுலேகா புகைப்படங்கள்!
இந்நிலையில், ராம் – நிவின் பாலி கூட்டணியில் உருவாகும் புதிய படத்தின் படப்பிடிப்பு பூஜையுடன் தொடங்கி உள்ளது. இதில் படக்குழுவினர் கலந்து கொண்டனர். இப்படத்தின் முதற்கட்ட படப்பிடிப்பு தனுஷ்கோடியில் நடைபெற்று வருகிறது. இந்த புகைப்படங்கள் தற்போது இணையத்தில் வைரலாகி வருகிறது.

நிவின் பாலி நடிப்பில் கடைசியாக தமிழில் ரிச்சி படம் வெளியானது. அதனை தொடர்ந்து மலையாள படங்களில் கவனம் செலுத்தி வந்த நிவின் பாலி, ‘மஹாவீர்யார்’ என்ற படத்தில் நடித்து வந்தார். இந்நிலையில் ராம் இயக்கத்தில் நிவின் பாலி நடிக்கும் படத்தின் படப்பிடிப்பு பூஜையுடன் இன்று துவங்கியுள்ளது.

ஏர்போர்ட்டையே ஏறெடுத்து பார்க்க வைத்த நம்ம லட்சுமி ராய் – அவ்வளவு அழகு