ஹைலைட்ஸ்:

  • தனுஷ் தொடர்ந்த நுழைவு வரி வழக்கில் நாளை தீர்ப்பு
  • விஜய் வழக்கை விசாரித்த நீதிபதி சுப்பிரமணியம் தான் தீர்ப்பு அளிக்கிறார்

வெளிநாட்டில் இருந்து சொகுசு காரை இறக்குமதி செய்தார் தனுஷ். அந்த காருக்கு ரூ. 60.66 லட்சம் நுழை வரி செலுத்த வேண்டும் என்று வணிக வரித்துறை உத்தரவிட்டது. அந்த உத்தரவை எதிர்த்து கடந்த 2015ம் ஆண்டில் சென்னை உயர் நீதிமன்றத்தில் வழக்கு தொடர்ந்தார் தனுஷ்.

வழக்கை விசாரித்த உயர் நீதிமன்றம், நடிகர் தனுஷ் 50 சதவீத வரியை செலுத்தினால் அந்த காரை பதிவு செய்யுமாறு வட்டார போக்குவரத்து அலுவலகத்திற்கு உத்தரவிட்டது.

அந்த வழக்கு தற்போது நீதிபதி எஸ்.எம். சுப்பிரமணியம் முன்பு விசாரணைக்கு வந்தது. விசாரணையின்போது தனுஷ் தரப்பில் யாரும் ஆஜராகவில்லை. இதையடுத்து ஆகஸ்ட் 5ம் தேதிக்கு விசாரணையை தள்ளி வைத்தார் நீதிபதி. மேலும் 5ம் தேதி வழக்கு குறித்த உத்தரவு வெளியாகும் என்று கூறப்படுகிறது.

முன்னதாக ரோல்ஸ் ராய்ஸ் காருக்கான நுழைவு வரியில் இருந்து விலக்கு கோரி நடிகர் விஜய் தொடர்ந்த வழக்கும் நீதிபதி எஸ்.எம். சுப்பிரமணியம் முன்பு தான் விசாரணைக்கு வந்தது. அவர் விஜய்க்கு ரூ. 1 லட்சம் அபராதம் விதித்து அந்த வழக்கை தள்ளுபடி செய்தார். மேலும் நிஜ வாழ்க்கையிலும் ஹீரோவாக நடந்து கொள்ளுமாறு தெரிவித்தார் என்பது குறிப்பிடத்தக்கது.

மகனுக்கு குகன் தாஸ் என பெயர்சூட்டியிருக்கிறோம்: போட்டோ வெளியிட்ட சிவகார்த்திகேயன்