பா.ரஞ்சித் இயக்கத்தில் ஆர்யா நடித்துள்ளா சார்பட்டா பரம்பரை திரைப்படம் நேற்று இரவு அமேசான் ப்ரைம் தளத்தில் வெளியானது. பாக்ஸிங்கை மையப்படுத்தி வெளியாகி உள்ள இந்த திரைப்படம், படம் பார்த்தவர்கள் மத்தியில் பாசிட்டிவ்வான கமெண்ட்களை பெற்று வருகிறது. இந்நிலையில் திரையுலகை சேர்ந்த பிரபலங்கள் பலரும் சார்பட்டா பரம்பரை படத்தை பார்த்துவிட்டு ட்விட்டரில் இயக்குனர் பா.ரஞ்சித், ஆர்யா மற்றும் படக்குழுவினருக்கு வாழ்த்து தெரிவித்து வருகின்றனர்.

இயக்குநர் மாரி செல்வராஜ் தன்னுடைய ட்விட்டர் பக்கத்தில், “சார்பட்டா பரம்பரை பார்த்தேன். ரோசமான மக்களின் ரோசமான வாழ்வியலை ஆக்ரோசமான கலையாக்கி பெரும் கலைத்தாண்டவம் ஆடியிருக்கிறார் அண்ணண் பா.ரஞ்சித். அத்தனை உழைப்பு அத்தனை வியப்பு. வாழ்த்துக்கள் அண்ணா. சாத்தியபடுத்திய மொத்த படக்குழுவிற்கும் ப்ரியமும் அன்பும்” என்று குறிப்பிட்டுள்ளார்.

தன்னுடைய பிறந்தநாளில் மகனுக்கு பெயர் சூட்டிய நடிகர் யோகி பாபு: குவியும் வாழ்த்துக்கள்!
அதே போல் ‘மூடர்கூடம்’ இயக்குநர் நவீன் தன்னுடைய ட்விட்டர் பதிவில், “எமர்ஜென்சி, மிசா, கழகத்தின் உண்மையான உடன்பிறப்பு, கைதுகள், ஆட்சிகலைப்பு, கட்சிமாறல்கள், மாட்டுக்கறி பிரியாணி… கதையின் ஓட்டத்தோடு சமூக அரசியலை அழகாக சொல்லும் லாவகம் மிக அழகு. செம்ம” என்று பாராட்டியுள்ளார்.

மேயாத மான், ஆடை பட இயக்குனர் ரத்னகுமார் தனது ட்விட்டர் பக்கத்தில், “பரம்பரை ல என்னத்துக்கு டா மானத்த எடுத்துனு வந்து வெக்கிறீங்க. நல்லா ஆடுனா ஜெயிக்க போற. பா.ரஞ்சித்தின் அரசியலும், திரை ஆளுமையும் ஒவ்வொரு முறையும் சிலிர்க்க செய்கிறது” என்று ட்விட்டியுள்ளார்.

அதே போல் நேற்று இன்று நாளை பட இயக்குநர் ரவிக்குமார், “சார்பட்டாபரம்பரை பா. ரஞ்சித்தின் மிகச்சிறப்பான படைப்பு. நுணுக்கமான கதாபாத்திர வடிவமைப்பு, கலை இயக்கம், நடிப்பு, ஒளிப்பதிவு, இசை, சண்டைபயிற்சி என அத்துணையும் கூடி வந்திருக்கிறது. கடும் உழைப்பு. மிக சுவாரஸ்யமான வெற்றிப்படம். படக்குழுவினர் அனைவருக்கும் வாழ்த்துகள்” என்று குறிப்பிட்டுள்ளார்