ஹைலைட்ஸ்:

  • ரோல்ஸ் ராய்ஸ் கார் வரி விலக்கு வழக்கில் விஜய் மேல்முறையீடு
  • விஜய் வழக்கை வேறு அமர்வு விசாரிக்க சென்னை உயர் நீதிமன்றம் உத்தரவு

இங்கிலாந்தில் இருந்து இறக்குமதி செய்த ரோல்ஸ் ராய்ஸ் காருக்கான நுழைவு வரியில் இருந்து விலக்கு கேட்டு விஜய் சென்னை உயர் நீதிமன்றத்தில் மனு தாக்கல் செய்தார். அந்த வழக்கை தள்ளுபடி செய்த நீதிமன்றம் விஜய்க்கு ரூ. 1 லட்சம் அபராதம் விதித்தது.

Vijay Fine: நிஜத்திலும் ஹீரோவாக இருங்கள்: விஜய்க்கு ரூ. 1 லட்சம் அபராதம் விதித்த ஹைகோர்ட்வரி என்பது நன்கொடை அல்ல, கட்டாய பங்களிப்பு. நிஜத்திலும் ஹீரோவாக இருங்கள் என்று நீதிபதி எஸ்.எம். சுப்ரமணியம் தெரிவித்தார். இதையடுத்து விஜய் மேல்முறையீடு செய்துள்ளார்.

மேல்முறையீட்டு மனுவில் விஜய் கூறியிருப்பதாவது,

வாகனத்திற்கான வரியின் மீதத் தொகையை செலுத்த நான் தயாராக இருக்கிறேன். ஆனால் அபராதம் விதித்ததை ரத்து செய்ய வேண்டும். மேலும் தீர்ப்பில் என்னை பற்றி குறிப்பிடப்பட்டுள்ளவற்றை நீக்க வேண்டும் என்று தெரிவித்துள்ளார்.

மேல்முறையீட்டு மனு இன்று விசாரணைக்கு வந்தது. தனி நீதிபதியின் தீர்ப்பு நகல் இல்லாமல் விசாரணைக்கு பட்டியலிட வேண்டும் என்கிற கோரிக்கையுடன் மேல்முறையீடு செய்யப்பட்டிருந்தது. இந்த மனு நீதிபதி சுந்தரேஷ் தலைமையிலான அமர்வு முன்பு விசாரணைக்கு வந்தது. அப்பொழுது நீதிபதிகள் கூறியதாவது,

இது வரி தொடர்பான வழக்குகளை விசாரிக்கும் அமர்வுக்கு முன்பு தான் விசாரிக்கப்பட வேண்டும். அதனால் வரி தொடர்பான வழக்குகளை விசாரிக்கும் நீதிபதி முன் விசாரணைக்கு பட்டியலிட வேண்டும் என்று உத்தரவிட்டுள்ளனர்.

இதையடுத்து நீதிபதி துரைசாமி தலைமையிலான அமர்வுக்கு முன்பு விரைவில் பட்டியலிடப்படும் என்று எதிர்பார்க்கப்படுகிறது.