‘கோலமாவு கோகிலா’ படத்திற்கு பிறகு இயக்குநர் நெல்சன் திலீப் குமார் சிவகார்த்திகேயன் நடிப்பில் இயக்கியுள்ள படம் ‘டாக்டர். இந்தப்படம் மூலம் கதாநாயகியாக அறிமுகமாகிறார் பிரியங்கா மோகன். இவர்களுடன் யோகிபாபு, வினய் உள்ளிட்டோர் முக்கிய கதாபாத்திரத்தில் நடித்துள்ளனர். இந்த படத்தை கே.ஜே.ஆர். ஸ்டூடியோஸ் உடன் இணைந்து, சிவகார்த்திகேயனின் சொந்த நிறுவனமான எஸ்.கே.புரொடக்‌ஷன் தயாரித்துள்ளது.

அக்டோபர் 9 ஆம் தேதி வெளியாகவுள்ள இந்தப்படத்தின் பத்திரிக்கையாளர்கள் சந்திப்பு நடைபெற்றது. அப்போது, அவருடைய நடிப்பில் வெற்றியடைந்த படங்களின் இரண்டாவது பாகம் எடுப்பது குறித்து கேள்வி எழுப்பப்பட்டது.

பொன்ராம் இயக்கத்தில் சிவகார்த்திகேயன், சத்யராஜ், சூரி, ஸ்ரீதிவ்யா ஆகியோர் நடித்த படம் ‘வருத்தப்படாத வாலிபர் சங்கம்’. கடந்த 2013-ம் ஆண்டு வெளியான இப்படம் மெஹா ஹிட்டடித்தது. இந்தப்படத்தின் காமெடி காட்சிகள் இன்றளவும் ரசிகர்களால் கொண்டாடப்பட்டு வருகிறது. இந்தப்படத்தின் இரண்டாம் பாகம் எடுக்கப்படுமா? என கேள்வி எழுப்பப்பட்டது.

மீண்டும் இணையும் ரங்கன் வாத்தியார் – கபிலன்: விரைவில் அதிகாரப்பூர்வ அறிவிப்பு!
அதற்கு பதிலளித்த சிவகார்த்திகேயன், ‘வருத்தப்படாத வாலிபர் சங்கம்’ படத்தின் 2-வது பாகம் குறித்து சும்மா பேசினோம். ஆனால், அந்தப் படத்தின் இரண்டாம் பாகம் எடுக்கவே கூடாது என்பதில் உறுதியாக இருக்கிறேன். அது ஒரு எபிக் படம். நாங்கள் எங்களையே அறியாமல் ஜாலியாக எடுத்த படம். அதைத் திரும்ப எடுக்கவே முடியாது. ‘ரெமோ’ படத்தைத் தொடர முடியாது. ஆனால், அந்த நர்ஸ் கதாபாத்திரத்தை வைத்து வேண்டுமானால் வேறொரு படம் எடுக்கலாம் என தெரிவித்துள்ளார்.

சிவகார்த்திகேயன் ரசிகர்களின் நீண்ட எதிர்பார்ப்பில் இருக்கும் ‘டாக்டர்’ படம் வரும் அக்டோபர் 9 ஆம் திரையரங்குகளில் வெளியாக உள்ளது. இதனை தொடர்ந்து ரவிக்குமார் இயக்கத்தில் சிவகார்த்திகேயன் நடிப்பில் உருவாகியுள்ள ‘அயலான்’ படம் வெளியீட்டிற்கு தயாராக உள்ளது. தற்போது அறிமுக இயக்குனர் சிபி சக்கரவர்த்தியின் ‘டான்’ படத்தில் நடித்து வருகிறார் சிவகார்த்திகேயன்.

முகில் படம் டீசர்: என்ன கதைகளமாக இருக்கும்! ஒரு அலசல்!